巴西燒烤餐廳 (已結業)

首先，我唔系收咗钱写嘅，(此地无银三百襾?)我平均大约两个月左右就会去一次巴西烧烤。服务方面，真系唔好要求太高，同酒店自助餐比，当然有好大距离。例如d碟换得唔够快，新碟的放置地方奇奇怪怪，d碟又有时磞咗之类....加水又系慢同埋唔主动。但系食物方面就唔系部份人讲得咁差。大约7-8月时的确系差咗，无焗蚝，又无羊脾/牛肉。𠮶次我食完都觉得有少少唔开心。不过因为之前都帮衬咗10次8次，知道佢地水准一向有上落，尤其如果你坐个位唔系队头(即食物出嚟行走路线头5-6枱)，加上咁啱有d劲贪心的人(多数系c9)咁就真系无咩运行。羊脾系有机会去到你个位之前就无晒。(我真系试过一次系咁，𠮶次劲多嘢食唔到)但系大约两三个星期前去食，人少到哩，得返1/3左右。可能落雨啦(𠮶日系星期日)，d羊脾同牛肉食到我....真系好饱....而且有返焗蚝。仲有一d之前无食过的羊/牛肋骨。我个人觉得好好食。讲真，我由佢98食到e+128(?)，觉得佢地都算系努力做生意的一间餐厅。所以我觉得我会继续帮衬。