影片
更多
2021-09-18
2304 浏览
我响社交平台一个private group度见到有人post响呢度食嘅小笼包，好趣致，每一只有个小吊笼载住，于是问吓响边度饮茶，原来就响荃湾区嘅泓景。咁啱今日拎架车去荃湾检查，就响呢头附近，所以预先上OpenRice 睇吓食评，睇吓啲相咁啦⋯⋯见到有弹有赞，抱着一试无妨嘅心态，于是就一试。Group友推介早茶同下午茶系超抵的，所以一坐低，就摷张早茶点心纸嚟睇，果然经济。Group友又推荐鲜虾肠粉同早茶碗粥，但因为得两个人，所以二择其一，拣咗鲜虾肠粉，牛柏叶，绵花鸡，老公想点烧卖，误撞点咗干蒸牛肉烧卖，仲有叉烧酥。我本身唔食酥皮嘢，点知叉烧酥竟然系第一碟送上来的，饿起上嚟乜都试，嗯⋯⋯一啖就停不了，佢好有heart，落单先焗，好新鲜松脆。接着是我期待嘅鲜虾肠粉，皮薄又滑，虾大大只又爽口，豉油又自动default 咗系另上嘅，最啱一啲奄尖人，例如我老公😅其余几个点心，干蒸牛肉烧卖，好香莞茜味，淮山绵花鸡无特别，七彩牛柏叶就平平无奇，但值得一赞嘅系，不管绵花定系牛柏叶，都系切得企企理理大大件，无话系碎碎湿湿油腻腻咁嘅。至于侍应招呼，因第一次到，唔知边个位大风，所以有走位，个侍应姐姐无话嫌烦，
我响社交平台一个private group度见到有人post响呢度食嘅小笼包，好趣致，每一只有个小吊笼载住，于是问吓响边度饮茶，原来就响荃湾区嘅泓景。咁啱今日拎架车去荃湾检查，就响呢头附近，所以预先上OpenRice 睇吓食评，睇吓啲相咁啦⋯⋯见到有弹有赞，抱着一试无妨嘅心态，于是就一试。
Group友推介早茶同下午茶系超抵的，所以一坐低，就摷张早茶点心纸嚟睇，果然经济。
Group友又推荐鲜虾肠粉同早茶碗粥，但因为得两个人，所以二择其一，拣咗鲜虾肠粉，牛柏叶，绵花鸡，老公想点烧卖，误撞点咗干蒸牛肉烧卖，仲有叉烧酥。
我本身唔食酥皮嘢，点知叉烧酥竟然系第一碟送上来的，饿起上嚟乜都试，嗯⋯⋯一啖就停不了，佢好有heart，落单先焗，好新鲜松脆。
接着是我期待嘅鲜虾肠粉，皮薄又滑，虾大大只又爽口，豉油又自动default 咗系另上嘅，最啱一啲奄尖人，例如我老公😅
其余几个点心，干蒸牛肉烧卖，好香莞茜味，淮山绵花鸡无特别，七彩牛柏叶就平平无奇，但值得一赞嘅系，不管绵花定系牛柏叶，都系切得企企理理大大件，无话系碎碎湿湿油腻腻咁嘅。
至于侍应招呼，因第一次到，唔知边个位大风，所以有走位，个侍应姐姐无话嫌烦，未坐定，已先后两三个姐姐哥哥问开乜茶，又将啲食完嘅碗碟撤走，走时又讲拜拜⋯⋯算系咁啦⋯⋯所以总括嚟讲，呢餐茶系饮得愉快的。
17 浏览
0 赞好
0 留言
张贴
