六本木茶房 (已結業)

想帮呢间餐厅平反一下。之前买咗个团购食dinner set.$99有扒有dessert有嘢饮仲有今H字头家庭装雪糕攞返屋企。因为冇试过呢间餐厅，去之前当然去openrice睇睇d食评，见到其他comment好多都话唔ok。好似waiter d态度唔好呀，d嘢食唔ok呀咁。。。睇完都有d惊。今晩去到之后好快就有枱，带枱姐姐个样有d恶但系态度几好。佢哋assign咗张卡位俾我哋，坐得舒服。好快有个叔叔同我哋落order,都好有礼貌。隔离枱成班女仔order得好乱佢都冇黑面仲逐个逐个问，态度完全冇问题㖞。讲返食物，唔记得叫佢碟上，用咗铁板上。虽然好似pepper lunch咁有张纸围住铁板，但d油都弹晒出来。我哋2个人叫咗一个牛一个杂扒拼大虾。牛好食d,，一d都唔难食，杂扒差少少，但以价钱唻讲一定系ok。之后上雪糕，有d红豆蓉，几好食都，同埋雪糕无熔到（可能旧烧蕃薯唔热？不过我冇食旧蕃薯）。其实成晚由入餐厅，食嘢到埋单走人，完全都冇中伏嘅感觉。坦白讲$99有埋雪糕俾你拎走，抵过花园餐厅喇。虽然我唔会encore呢度，不过我又觉得唔系咁差啫。