忠記咖啡屋‧私房菜 (已結業)

忠记咖啡屋我同同事一星期都会去几次西湾河店食lunch同埋早餐, 铜锣湾呢间私房菜店我地之前黎过食二人餐, 食物质素唔错, 价钱又实惠, 今日趁我地为食4人组全部都唔需要返夜, 一收工就一齐去食返餐。😙忠记咖啡屋铜锣湾店主打私房菜, 虽然系楼上舖, 不过可能因为口碑唔错, 客人都好多。我地7点未够已到餐厅, 餐厅装修简约而光亮, 座位都几宽敞舒适。晚市除左有每位计嘅私房菜, 仲有价钱比较平嘅2人同4人套餐。$688嘅4位用套餐, 包括私房靓汤, 稻庭乌冬, 北海道带子, 半只鸡, 酥炸桶蚝大虎虾, 菜, 糯米饭同糖水, 非常丰富, 我地今次就系食呢个4人餐。😁私房靓汤餐厅老火靓汤绝非一般茶餐厅货色, 粉葛赤小豆猪骨汤味道浓郁, 唔会太咸, 味道唔错。👍稻庭乌冬北海道带子头盘先食带子冷乌冬, 带子厚肉, 外层煎香, 爽滑弹牙嘅稻庭乌冬, 配上微辣嘅胡麻芥末酱汁, 感觉清新醒胃。😙金牌口水鸡口水鸡辣度适中, 鸡肉肉质软嫩, 既麻且辣, 香辛料味好有层次, 食到口水直流。😆酥炸美国桶蚝桶蚝超大只, 外层炸至酥脆, 外脆内软, 蚝肉鲜味浓郁, 蚝汁丰腴。😋茄汁爆原只大虎虾最有惊喜系每人一只嘅特