蛋蛋哥 (已結業)

好耐冇去葵涌广场, 今次经过,光顾呢间店舖, 咖哩三宝十八蚊三个𩠌, 真心好抵, 阿姐话畀多两蚊齐头二十, 俾多两粒鱼蛋, 问我好唔好, 当然冇所谓啦, 咁平.咖哩三宝, 我选择鱼蛋,牛柏叶,萝卜.鱼蛋系好大粒𠮶D, 好多粒, 但系食完一粒已经唔想食, 除咗表面上黄色似咖喱之外, 完全唔入味, 用大粒鱼蛋已经系败笔, 至于个牛柏叶, 简直靭到完全咬唔到, 真心火起. 究竟店主有冇食过? 最后一味萝卜,算系最正常.如果出品唔掂, 点会有回头客? 仲要喺竞争咁激烈嘅葵涌广场, 呢个区都系做街坊生意