你妳 (運通洋樓) (已結業)

平时出街食饭食得多都使唔少钱，但又觉得难得出嚟同朋友见面，都唔想食得太hea，于是朋友就介绍咗我去「你妳」。入到去铺头唔大，不过座位都够寛坐的舒服。鲁肉饭卖相虽然平凡，不过卤肉好香入味，最紧要系够捞饭，两个人share食都绰绰有余所以俾个盒呃咗。便当仲会奉送一个汤，就拣咗花枝丸汤，够弹牙，汤味浓郁，合格！芝士玉米蛋饼都好食，有拉丝效果之余，加埋爽口粟米粒粒，大大啖咬落去香口好味！朋友一坐低就话台湾香肠一定要食，咁当然都叫咗～其实我本身对台湾香肠兴趣唔大，因为觉得好似腊肠又硬又干，今次一食真系改变咗我睇法，肠仔有咬口，点埋蒜蓉好惹味！小食拼盘都好丰富，有盐酥鸡，炸虾卷，炸四季豆同甜不辣，满足晒我哋两个咁嘅愿望，盐酥鸡够嫩唔柴口，虾卷都爽口弹牙，四季豆炸过够香口,份量嚟讲整体系唔错。最后梗系唔少得台式特饮，我哋叫咗手作紫芋牛奶同芋泥珍珠小芋圆，紫芋奶嘅芋泥够软绵，唔太甜，连埋鲜奶饮落奶滑中带沙沙感，好香好滑。我𠮶杯就系芋泥珍珠小芋圆，珍珠同芋圆煮得够透，有咬牙，加埋芋泥一软一韧非常特别，芋泥鲜奶都够滑，好饮！