影片
更多
2008-12-25
18 浏览
一早Book咗平安夜嚟呢度食饭，不过去到发现好多人围住个门口，原来系客人Book咗台，但系餐厅又比唔到台人。我地Book七点，都扰攘到七点半先入到去。唔紧要啦，有得食就得喇。我地两个人，叫咗两个鹅肝牛柳餐，个餐有龙虾汤、烟三文鱼火鸡凯撒沙律、鹅肝牛柳扁意粉同圣诞甜品。龙虾汤：味道一般，有少少龙虾肉，不过就有D未搅溶嘅粉浆。烟三文鱼火鸡凯撒沙律：烟三文鱼不过不失，火鸡极硬，男朋友形容为脱水食物。另外得好少沙律酱，要问佢攞多兜。鹅肝牛柳扁意粉：鹅肝(or鸭肝?)好香，配牛柳食好好味。男朋友个五成熟牛柳摆明系七成熟，好韧；我个七成熟就变咗八成熟，不过唔太韧，可接受。扁意粉冇味，我地两个都食咗两啖就冇食。圣诞甜品：全晚最差！甜品但系有咸嘅花生酱味，骑呢！可能因为平安夜，餐厅都几嘈，而且侍应做嘢做到乱晒。我地个沙律未嚟就上Main Course，隔离台个烟三文鱼火鸡凯撒沙律竟然冇烟三文鱼。总括嚟讲$228一个圣诞餐都唔算贵，不过我地就觉得食物同服务都可以再好D。
我地两个人，叫咗两个鹅肝牛柳餐，个餐有龙虾汤、烟三文鱼火鸡凯撒沙律、鹅肝牛柳扁意粉同圣诞甜品。
龙虾汤：味道一般，有少少龙虾肉，不过就有D未搅溶嘅粉浆。
烟三文鱼火鸡凯撒沙律：烟三文鱼不过不失，火鸡极硬，男朋友形容为脱水食物。另外得好少沙律酱，要问佢攞多兜。
鹅肝牛柳扁意粉：鹅肝(or鸭肝?)好香，配牛柳食好好味。男朋友个五成熟牛柳摆明系七成熟，好韧；我个七成熟就变咗八成熟，不过唔太韧，可接受。扁意粉冇味，我地两个都食咗两啖就冇食。
圣诞甜品：全晚最差！甜品但系有咸嘅花生酱味，骑呢！
可能因为平安夜，餐厅都几嘈，而且侍应做嘢做到乱晒。我地个沙律未嚟就上Main Course，隔离台个烟三文鱼火鸡凯撒沙律竟然冇烟三文鱼。
总括嚟讲$228一个圣诞餐都唔算贵，不过我地就觉得食物同服务都可以再好D。
张贴
