大快活 (興東商場)

营业中

休息中

平安夜到叔叔家庆祝, 叔叔在大快活订了一个套餐, 整体味道几好, 不过唔知系咪预先整好等我地拎, 所以d野唔够热~ 妹妹之前同d同学都订过同一个餐, 佢话呢间分店比慈云山的好。香芒大虾沙律: 沙律底包括富士苹果, 西芹, 薯仔同青瓜, 面头舖了士多啤梨, 车厘茄, 芒果同大虾, 味道几清新。春卷和咖哩角: d皮淋晒而且唔够热, 我呀叔话同自己买既急冻咖哩角差不多。肉酱意粉: 味道几好, 虽然不够烟韧, 但已比一般快餐好得多, 不会淋betbet一patpat, 不过小朋友就觉得有d辣。芝士焗西兰花及椰菜花: overcook得好紧要, 一夹就散, 幸好大家喜爱淋既蔬菜, 所以最后都清晒。关东煮: 呢个真系值得一赞, 完全估唔到咁好味lor~ 白萝卜够淋够入味, 海苔够爽口, 蒟蒻够烟韧, 腐皮福袋入面系日本年糕。炸鸡: 冇食, 不过其他人话虽然冻晒,但味道都唔错。 鸡翼: 都冇食到, 不过焗得几靓, 而且不听到有人话唔好味。杨枝甘露布甸: 似一个加左柚肉既芒果布甸, 一d西米都冇, 味道麻麻。