船記

营业中

休息中

第一次光顾米芝莲食肆，顺理成章首次写食评就献畀船记。一行三人慕名而至，入到内已见座无虚席，好彩之前有订位。       打开餐牌，好多款都想食，对于有选择困难症嘅我哋，只好劳烦店长推介。第一道 ：淮山杞子三宝炖螺头汤 4-6位用 ($588），已预先为我哋盛起四碗汤，跟住再𢳂起汤渣送上。先呷一口汤，好鲜甜；用筷子翻看汤渣有啲乜料，除咗淮山杞子螺肉，仲有鸡腿鸡脚鸭脚瘦肉猪脚等等，咁多材料，难怪啖汤清甜回甘。第二道 ：船记叉烧皇六件 ($98），肥瘦适中卖相吸引，虽然只得六件，但因为厚切，所以仍算有睇头。 连平时只肯食全瘦叉烧嘅我，都忍唔住挟一块，肉质软腍入口即融，不愧米芝莲级数。第三道 ：鸡油花雕蒸中虾配稻庭乌冬($688），只碟好大，啲汁好多，又有乌冬，好惊食唔晒。由于虾已被剖开对半，所以唔驶落手剥，只需用筷子辅助就去壳。 虾肉醮上黄澄澄鸡油汁放入口有一股酒香味，乌冬口感Q弹，配埋汁一齐食，好味！啲虾切对半后，又要将之排列整齐，应该要花唔少时间，所以餐牌写明要一日前预订，不过我哋冇预订都有得食，可能系店长视乎当时情况而定。最后系上汤蒜子浸豆苗胚 ($168），呢款较为普通，而且有少贵，