Ebeneezer's Kebabs & Pizzeria (已結業)

话说平安夜出黎食饭，自助餐一早已经订满。唔知食咩野既情况下，就黎左亚士厘道觅食。记得有个fd介绍呢间食卡巴既餐厅，上次食卡巴都唔知几耐前既事。希望可以揾番呢种味道。七点半到，已经有小小既人龙。而经理为左客人既著想，会帮我地落单。而且仲会介绍佢地既招牌菜，同我地有讲有笑。态度真系唔错。芝士薯条一食就食得出唔系新鲜既，不过有我最爱的扭纹薯条，已经唔错啦。橙色既酱系辣汁，而绿色既系乳酸汁。虽然两只汁好似唔系好夹，但沟黎食又几夹。而且芝士既份量都几多，可以拉到一丝丝咁长。美味非常，不过要趁热食，唔系就会食到好漏。羊肉卡巴对呢个满心期待，当然呢个唔会令我失望。因为个卡包肉汁好丰富，而且羊肉无膻味。此外，我特登叫佢整个最辣既俾我食。食落去真系百般辣味在心头，但过左一阵又无野既。呢种辣系几过隐架，尝辣既可以一试。芒果奶昔呢个系解辣首选，饮落去觉得有好大阵既芒果味。而且味道都几浓，又唔算太甜同够大杯。无乜野可以挑剔啦。呢餐都唔差，都系一百蚊多。平安夜揾到间餐厅度过平安既一刻，都算系唔错既选择。