影片
更多
2013-04-20
381 浏览
12月24日, 平安夜午餐, 谂住食餐好d嘅, 所以拣咗呢间米芝莲推介chez patrick嘅deli版试下~ 可能大部份仲要返工嘅打工仔都谂住lunch食餐好d, 所以全个Brim 28范围都有唔少食客… 我地都等咗一阵先有得食!::: Bread Basket :::落单无耐侍应就奉上呢度嘅特色面包篮~ 面包系软身法包, 质地厚密, 搽埋牛油食可以突出到面粉香, 但系面包唔够热, 食落亦比较软韧…::: Lobster Bisque + Braised Beef with Ratatouille and Couscous ::: $125我地各自要咗个汤加主菜~ 可能今日系平安夜, soup of the day竟然有龙虾汤! 不过呢个龙虾汤实在令我地有d失望… 皆因佢味道点饮都十足十罐头汤一样, 质地稀, 味道偏咸而无龙虾鲜味, 间中仲饮到d虾壳… 呢个炖牛肉主菜就犀利喇… 我地眼见隔离左右d人都有晒野食但我地都未有…真系跟足法国菜传统要我地等足45分钟先上到菜! 呢个牛仔肉已经切好上碟, 见到牛肉色水嫩红, 咬落肉味浓郁唔韧, 又真系做得唔错嘅~ 伴菜系烩杂菜, 有d彩椒茄瓜
::: Bread Basket :::
落单无耐侍应就奉上呢度嘅特色面包篮~ 面包系软身法包, 质地厚密, 搽埋牛油食可以突出到面粉香, 但系面包唔够热, 食落亦比较软韧…
::: Lobster Bisque + Braised Beef with Ratatouille and Couscous ::: $125我地各自要咗个汤加主菜~ 可能今日系平安夜, soup of the day竟然有龙虾汤! 不过呢个龙虾汤实在令我地有d失望… 皆因佢味道点饮都十足十罐头汤一样, 质地稀, 味道偏咸而无龙虾鲜味, 间中仲饮到d虾壳…
呢个炖牛肉主菜就犀利喇… 我地眼见隔离左右d人都有晒野食但我地都未有…真系跟足法国菜传统要我地等足45分钟先上到菜! 呢个牛仔肉已经切好上碟, 见到牛肉色水嫩红, 咬落肉味浓郁唔韧, 又真系做得唔错嘅~ 伴菜系烩杂菜, 有d彩椒茄瓜同青瓜粒粒咁, 用上番茄汁去炖煮, 蔬菜质地软腍带酸, 可以减低牛肉腻感. 另外仲有少少couscous, 细细粒索埋d牛肉汁有咬口亦更惹味~ 好彩呢个主菜都好食, 唔会浪费我地等咗咁耐!
::: Lobster Bisque + Potato Gnocchi with Goat Cheese ::: $125其实平时好少食gnocchi, 不过set lunch三拣一之下加上对呢度出品都有信心, 于是即管叫嚟试试~ 不过就算系chez patrick都唔可以为呢个gnocchi带嚟咩惊喜… gnocchi质地烟韧, 配上酸酸甜甜嘅酱汁食亦颇开胃… 但我就怀疑呢个蔬菜汁同个酱其实同个braised beef嘅ratatouille差唔多… 而同时羊奶芝士又好浓味… 但同d gnocchi同番茄酱又唔系好夹, 食多几粒已经好腻… 迫于无奈食剩咗大半兜…
野饮都系稳阵d叫咗冻柠茶, 但都等咗一阵先嚟~ 茶就系普遍西式红茶, 味道唔算浓, 柠檬虽然有三片但又唔系话好够味… 普通啦.
论环境其实呢间chez Patrick deli确实系唔错嘅… 不过唔知系因为今日平安夜太忙定点, 不论服务同食物都令我地有少少失望… 食一个法式快餐用成2个几钟, 当中有成个钟系用嚟等上菜就更加离谱! 睇在patrick份上, 今次唔洗出到喊面啦~ 不过要再翻食, 可能都要隔番一段冷静期去冷静下先.
张贴
