中西∙環 (已結業)

去唔到旅行, 用Asia miles 积分换西环港岛太平洋酒店三位午市自助餐试吓, 搭地铁出车厢行好远先到, 建议巴士电车方便啲, 餐厅布置正常, 卖点大海景, 天朗气清ok la。食物选择正常, 鱼生有三文, 吞拿同鲷鱼, 质素唔错, 新鲜好味可encore；烧牛肉过咗火非常干；熟海鲜得虾蚬青口；虾大只鲜味, 蚬同样出色但有小小沙,唯独青口一般；反到熟食焗青口,蒸鱼同海南鸡饭唔错, 又可以翻飞；炸物一般；自助沙律选择正常, 食草嘅无乜好挑剔；无试猪脚姜, 最后用黑白(芝麻糊加豆腐花)收尾。整体质素一般, 会食得饱嘅, 唔会特登食多次除非有人请或价格十分吸引, 待应有礼；食物质素60/100, 服务质素70/100。