港灣薈

营业中

休息中

有亲戚住系南昌附近，谂住去试一试呢边D茶楼，见佢11点前都有早茶，过去试试。坐底感觉坐位好阔落比起传统酒楼，但系员工系完全唔够，个日10:30去到，但都好多人。开个茶都等左10分钟。叫左2个孖宝都配饭，上枱又足足等左30分钟，但好彩个饭系好热。凤爪排骨饭- 排骨入口一样都系松肉粉味，不过唔算好重，凤爪蒸唔系好透，仲有少少硬。咸鱼肉饼饭- 咸鱼系梅香，质素唔错，但肉饼成旧胶咁，落太多粉整。整体个饭系蒸得几好，系D料差D。春卷水准平平，食左2旧先记得影相。4样入面最好系呢个鲜虾菜苖饺，皮睇得出都几薄，虾大大只。