港灣薈

营业中

休息中

今日去咗飲個早茶叫咗好多款點心整體味道都OK但唔算突出大部份都偏油膩上菜速度都算快叫咗幾款，包括蝦餃、燒賣、雞札、牛肉球、金錢肚、炒米粉、鳳爪、灌湯蝦餃除咗灌湯蝦餃，我覺得唔好食其餘都中規中矩唔錯

很久沒有來港灣商場的酒樓，見佢有優惠午市及晚市，即管來試試。又ok喎，158套餐抵吃，有燉湯，有小菜，還有海鮮班，燒鴨特優菜式，感覺吸引。招呼很好，坐位寛倘，值得平日來試試。

今天和兩位家人 ，走了過去港灣豪庭廣場1樓 港灣薈酒樓飲下午茶。 我們去到已經是下午三時 很容易便找到位 。開了普洱茶後， 我們叫了廈門炒米、 梅香鹹魚肉餅飯 、鳳爪 、燒鴨瀨粉， 味道很好。 埋單都係170元。

今早天氣寒冷 ，我們去到附近港灣豪庭一樓的港灣会飲早茶 。叫了皮蛋瘦肉粥、 翡翠鮮蝦腸 、蟹子燒賣王 和夠薑雞仔包 。點心30分鐘就到齊， 味道不錯， 茶錢連加一 ，埋單114元 ，都算經濟。 酒樓地方大， 坐得舒服。

天氣開始轉涼 ， 中午 經過港灣豪庭 一樓的港灣薈，見到門口有一張海報 ，宣傳羊腩煲 198元 ，配菜就另加38元。 我比較為食， 就入去試一試。 侍應把羊腩煲送到檯面 ，份量好似 跟海報比較 遜息 一些 ，但味道唔錯。 埋單當然要加一， 另外收茶錢。

呢間酒樓主要做街坊生意見到佢個龍蝦套餐都幾抵，所以試一試啦 套餐 $498 龍蝦伊麵，再加$10 燒雞講明叫佢比隻大隻既， 佢係廚房做左隻生勾勾嘅龍蝦俾我睇， 好彩我影咗張相。 煮完之後出嚟， 其實都幾好食嘅， 唔算太差，有80分， 肉質都算爽口。 但係食食吓開始覺得唔對路， 點解唔同尺寸？ 睇睇下， 個龍蝦頭唔同樣，喺廚房換左另一隻。 如果講性價比嘅話，加$10呢隻燒雞都不錯 燒雞可以翠小小最後同部長講返， 佢講其他話題，扯到上太空， 幫我聽我哋唔到。 總結就係天下烏鴉一樣黑冇辦法啦，唯有接受現實。

首先，我訂嘅龍蝦非常細小，分量都好少，而且價錢又貴，令我感到好失望。另外，呢間餐廳嘅服務態度非常差，啲員工唔夠禮貌，冇禮貌，都唔夠友善。整個用餐過程中，冇一個員工問過我哋嘅口味偏好或者有冇需要幫手，都冇一個員工向我哋推薦過任何菜式，好似我哋冇喺到一樣，令我哋覺得好唔受尊重。總括而言，我對呢間餐廳嘅體驗非常唔滿意。龍蝦嘅質量唔好，份量都唔足夠，服務態度都好差。我唔會再去呢間餐廳用餐，亦都唔會向其他人推薦呢間餐廳。

諗住求其入去飲個茶，見佢都幾多人，雖然裏面嘅裝修同白燈有啲減低食慾。行咗入去，即刻有位。個呀姐你擺位，會將成堆碗碟，放低就走咗佢，完全冇擺過🙄睇吓點心紙，點心選擇唔多，大部份都係炒粉麵飯同粥，揀咗蝦餃皇，金錢肚，雪山叉燒包，春卷，牛肉腸…啲普通嘢。牛肉腸個皮好厚，春卷餡好多粉又唔脆，雪山叉燒包真係好雪山，好似未焗得夠未上色，個蝦餃皇簡直反眼，中間擺多嚿嘢就叫蝦餃皇，皮又厚，蝦又冇味又多粉，仲叫自己做蝦餃皇…下午茶$38.8加埋一成$40蚊一籠，食急凍蝦餃都好食過佢😤喂勁難食，會咁嘅價錢大把酒樓好食過佢。附近已經冇乜酒樓，但真係唔會再去。勸大家唔使去試。喂

有親戚住係南昌附近，諗住去試一試呢邊D茶樓，見佢11點前都有早茶，過去試試。坐底感覺坐位好闊落比起傳統酒樓，但係員工係完全唔夠，個日10:30去到，但都好多人。開個茶都等左10分鐘。叫左2個孖寶都配飯，上枱又足足等左30分鐘，但好彩個飯係好熱。鳳爪排骨飯- 排骨入口一樣都係鬆肉粉味，不過唔算好重，鳳爪蒸唔係好透，仲有少少硬。咸魚肉餅飯- 咸魚係梅香，質素唔錯，但肉餅成舊膠咁，落太多粉整。整體個飯係蒸得幾好，係D料差D。春卷水準平平，食左2舊先記得影相。4樣入面最好係呢個鮮蝦菜苖餃，皮睇得出都幾薄，蝦大大隻。

同阿媽去飲早茶，突然有人大叫嘈交，見到個男服務員，指住飲茶個阿伯係咁罵，起碼嘈左3-4分鐘，我都係第一次見，客人會比服務員鬧，唔知以為殺咗佢屋企人🙄😂唔理件事對錯，服務行業都唔可以噉做，我就冇勇氣幫手，全部客人議論紛紛，事後的D服務員仲喃喃自語,話個客自己攞架嚟丟…我阿爸都係做餐飲業,如果間餐廳流量大,影響算少。如果間野係做街坊生意多？請著呢啲服務員，生意額唔影響就奇。而家下邊仲開咗間新式酒樓多再選擇，雖然唔關我事，我以後都唔會再幫襯佢🙃我下次變咗阿伯俾人鬧冇陰公😱

11/12/202210:30AM4大人1個3歲幼童一吐氣！一家人難得約到飲餐茶有大有細食到嚇死人首先第一道菜點心拼盤蝦餃底有小強驚訝🙀嚇成人已經通知經理其實之後上菜大家都已經冇胃口食不過慢慢都照食過左無耐點知食雞扎又係我中招！！！ ！竟然又咬到半支牙籤！真係黑到爆！！師傅仲解釋話意外少不免全家4大人1BB有2大人肚痛反胃最擔心小朋友身體真係好離譜！基本衛生都咁差仲要疫情都唔注重！唔好食！唔好食！千祈唔好食！衛生問題好差！

今日放假一家四口(兩位小孩幾歲)連工人 打算舒服飲餐茶 park好車入呢間酒樓 下午兩點幾行到門口 穿黑西裝大陸阿姐帶位 無禮貌問幾位 佢話無位（但當時望入去好多枱）話你不如坐貴賓房 問過要加每人五蚊 茶靚啲喎😪 諗諗吓 無理由既 於是行過圈 大把枱 於是有其他阿姐招呼坐低左 個位大陸西裝帶位姐不屑眼神望住 好un順！點菜單計足你五大人茶位 之後叫左幾個點心，一碟炒牛河 睇返張單$350 茶位每人$10 再加一 完全不值 仲好似有被老點感覺😓無下次！😾

今日經過港灣薈，見到京式片皮鴨一隻特價138，好似好抵食咁，阿女又鐘意，打算買隻打包返屋企加送，買單時話要188，堂食先系138，二食再加50。最後我選擇一食188，無其他飯盒費用。好傳統片皮鴨，鴨皮底鋪滿蝦片，但系蝦片唔系好脆，鴨皮唔肥，但系一Ｄ都唔松化，有Ｄ韌，但系味道OK同無鴨搔味。最好食就系卷片皮鴨塊皮，好煙韌有香小麥味，非常good。青瓜大蔥正常，個片皮鴨醬味道騙咸，整體來講唔算難食，好一般。

上個星期六，專登同屋企人去附近嘅酒樓飲茶，享受一下家庭樂😍一去到餐廳門口，明明入面有好多枱係吉嘅，而每張枱最多兩三個人唔使搭枱，門口嘅知客都同我哋講普通座位已經爆滿，要我哋每人加$5茶錢坐茶王廳，我覺得非常荒謬😡，講一啲與事實完全不符嘅嘢要我哋俾貴啲嘅茶錢，絕對欠缺商業道德，扭曲事實，後尾我同佢講返先話出邊 有枱可以唔使加貴啲茶錢坐 ！我哋三個人叫咗大概七樣點心🥧包括有雪山叉燒包、蝦餃、馬拉糕、煎腸粉、布拉滑腸、燒腩仔配白飯🍚、炸鮮竹卷，普遍食物品質都勉強符合最低要求嘅，都算熱嘅、熟嘅，不過下次再食就不了！整體來講唔太抵食，七樣點心連茶錢已經三百幾蚊，人手有好缺，門口嘅知客缺乏誠信，次次叫咗好幾次先可以幫我哋加返水，服務態度認真差！

豉汁白鱔煲仔飯無記錯，好似$ 65🤣d汁好送飯，飯焦唔會過燶撈埋d飯好有口感，軟硬兼備👍🏿白鱔食唔到魚味，d汁蓋過左不過係好食既，好滑唔腥六十幾蚊既價錢，算係中規中矩～追求煲仔飯專門店咁樣無得講啦純屬過下口癮😆