幸拉麵 (已結業)

成日行过天后见到呢间拉面店都好想试下今日就胆粗粗冲咗入去食！本身我都唔系几想入去，因为见到入面一个人都冇， 但系都抱住试一次嘅心态，就行左入咗去！入面都坐得几舒服， 环境宁静，灯光柔和， 播住一啲日文歌！张枱上面放咗一啲杯，筷子，匙羹，调味料同埋一壶冰水！冰水入面有好多好多冰，啱晒咁热嘅夏天！ 我同朋友 大家都系叫咗白豚拉面，碗面入面有肩胛肉，半熟蛋，笋干，大葱，同埋紫菜呢度嘅面无得简软硬度，汤底都冇得拣浓度，所以就有少少失望啦！呢一碗拉面承惠88蚊！其实我好钟意食辣 好想食赤豚但系呢度嘅赤拉面系用蕃茄汤底，所以我就冇叫到啦！碗拉面一嚟到嘅时候, 块紫菜已经淋咗一半！ 本身满怀希望咁谂住个汤会畀到好大惊喜我啦，点知一饮落去，都几失望下！就系好普通好普通嘅拉面， 个汤一啲都唔够浓！ 唯一可取嘅应该系只溏心蛋，成碗面嘅精髓！只蛋好滑，入面啲溏心会慢慢流出嚟， 豚肉就普普通通，冇咩特别！总括嚟讲，成碗面都冇乜特别，如果要我畀88蚊食碗拉面 我应该会行多两步，去附近有间 门口有个灯笼𠮶间食啦！