金仔米線

营业中

休息中

之前一向有食太子金仔嘅烤鱼，觉得价钱合道，烤鱼味道都唔错，原来长沙湾都有金仔，因为住得近就转移阵地经常食，差不多当佢系食堂，老实讲，虽然价钱尚算合理，质素已不复当年了，我最爱嘅泡椒鸡脚，每次到金仔必食一至两碟，以前我觉佢系泡椒鸡脚中做得最好味嘅店，但近呢半年多次食到d鸡脚系起"汕"嘅，鸡脚表面有一层滑嘟嘟嘅"汕", 口感好呕心，谂起都想呕，虽然都会换过比我，但好多次食都系咁，我已怕怕，而家唔敢食喇，其他食品嘅份量都缩水不少，莲藕片一碟得8块，连order一碟芫茜份量比铺在烤鱼上面的更小，以前就贪佢价廉物美，而家就只有价廉，物就⋯将货就价啰，其实而家食烤鱼，鸡煲嘅店有好多选择，款式比佢多好多，佢再唔进步，睇嚟我都要搬饭堂了。