平成 (已結業)

今日去左尖东K11附近揾野食，见到呢间日式居酒屋，装潢风格充满浓厚日本风情，就入去试下。餐牌选择都几多，仲有日文翻译，墙上贴左餐厅推介既菜式实物图，我哋都参考左，并点左以下食物：明太子鸡翼：满满既明太子包住鸡翼，炸得干身，外脆内软，鸡肉嫩滑。烧白膳：鱼皮烧到脆卜卜，鱼肉肥美肉厚，烧到金黄色，串烧绝对系居酒屋既必食之选。 汁烧鱿鱼筒：鱿鱼筒原只上，未食已经觉得好吸引，肉质爽口富弹性，味道鲜甜，洒上葱花，更惹味。豚肉大阪烧：馅料有椰菜丝、章鱼粒，面层就铺满紫菜丝、大阪烧酱、沙律酱、国产豚肉，令口感好有层次、好丰富，饼身唔算太厚，唔会觉得腻。小店对食物既用料配搭，一定有经过细心考量和试验，令我哋可以细味食物本身既原味道，下次一定会再嚟试其他野。