霸嗎拉麵 (已結業)

晏昼想食拉面，专登去咗宝琳呢间霸码拉面食。因为系平日，佢有午市套餐，而且都几抵食。我叫咗个灸烧豚肉味玉拉面配三件羽根饺子，连埋汽水都只系$68，汽水可以自选。拉面算大碗，猪骨汤底好浓郁，豚肉好大块，而且烧得啱啱好，唔会太硬，呢个价钱连埋嘢饮都真系几抵食，不过略嫌拉面煮得唔够淋。同行朋友叫左厚切叉烧味玉日式咖喱饭，连埋波子汽水总共$52，系日式拉面餐厅来讲，呢个价钱连埋嘢饮仲要系波子汽水都真系几抵食。不过日式咖喱有少少辣，但对我来讲都系接受到嘅，见佢块叉烧都几大块，容易咬开，唔会太硬。要留意番佢呢个午市套餐只系星期一至五，可能因为系冇乜人系呢个时间食，所以会比较平，而且佢间餐厅都冇咩人，座位算宽敞，而且侍应服务态度都算好。如果冇午市套餐，佢一碗拉面都要80几蚊，算系正常价，不过有套餐就唔会咁食。😬