影片
更多
2021-11-24
249 浏览
好多个月之前黎过呢间位于铜锣湾利园二期既NINETYs Roastery食晚餐，上次非常精致既菜式同厨师既心思令我留下深刻印象。今日下午黎食个午餐，试试有无唔同先。NINETYs Roastery主打澳洲菜。餐牌都几特别，有休闲同精致菜式，又有分肉，鲜，素等。白天同黑夜餐牌唔同。日间黎选择会多啲，有多士，薯条等。饮品当然有咖啡，仲有茶，果汁等等。我哋每人叫左一个主菜同一杯饮品。Hamachi and Scallop Cold Udon $198 另加一Diced hamachi, diced Japanese scallop, salmon roe, squid ink tuile, dill, passion fruit, honey vinaigrette, inanuwan udon, superior fish stock呢个Hamachi and Scallop Cold Udon系新菜式，用块树木形板加左盐花放左碗迷你冷乌冬同另上嘅鱼汤上枱，好精致。乌冬上面加左油甘鱼同带子刺身粒，仲有三文鱼籽，刺身尚算鲜甜，另外仲有少少菜苗，上面再加一片脆身紫菜。乌冬唔系有咬口𠮶啲，比较稔
NINETYs Roastery主打澳洲菜。餐牌都几特别，有休闲同精致菜式，又有分肉，鲜，素等。白天同黑夜餐牌唔同。日间黎选择会多啲，有多士，薯条等。饮品当然有咖啡，仲有茶，果汁等等。
我哋每人叫左一个主菜同一杯饮品。
Hamachi and Scallop Cold Udon $198 另加一
Diced hamachi, diced Japanese scallop, salmon roe, squid ink tuile, dill, passion fruit, honey vinaigrette, inanuwan udon, superior fish stock
呢个Hamachi and Scallop Cold Udon系新菜式，用块树木形板加左盐花放左碗迷你冷乌冬同另上嘅鱼汤上枱，好精致。乌冬上面加左油甘鱼同带子刺身粒，仲有三文鱼籽，刺身尚算鲜甜，另外仲有少少菜苗，上面再加一片脆身紫菜。乌冬唔系有咬口𠮶啲，比较稔身。最惊喜系个汁，原来下底系有热情果同蜜糖汁，所以食落甜甜哋好清新，加埋个唔油嘅鱼汤都ok㖞，仲有热情果核咬吓。呢个份量较细，肚饿人仕要注意。
Siu Wan Rice $188 另加一
Char siu, 2 sunny side up eggs, asparagus, cherry tomatoes, Japanese rice
Siu Wan Rice主角有叉烧4片，唔系一般叉烧𠮶啲位，而系较瘦𠮶啲所以要咬吓，个汁就甜甜哋味道唔错。餐厅用日本兰王蛋煎成嘅太阳蛋好食，蛋黄超橙色，蛋汁好味。垫底嘅日本米份量唔少，食落质感唔错，捞叉烧甜汁食用好味。配菜有3粒车厘茄，1条芦笋同好多菜苗，仲洒上葱花同黑白芝麻粒调吓味。
Iced Apricot Houjicha $58 另加一
Fruity, roasty, citrusy
焙茶同杏嘅味道都夹得唔错，我第一次试呢个组合。
Blueberry Cupcake $58 另加一
Sweet, woody, hint of vanilla bean
见呢款Blueberry Cupcake饮品好得意，即管试试。Blueberry Cupcake用一个茶壶仔装住，一倒出黎就闻到好香云呢拿味。饮落带微微蓝莓味。
虽然食物好似份量细细，不过饮哂啲野都几饱。
张贴
