壽司郎 (TKO Gateway西翼)

营业中

休息中

今日屋企人生日，平日去寿司郎都唔使点排队，5点直接Walk in就入左去。一入到去就即刻点左三碟特大吞拿鱼腩（$17） 好新鲜仲要好抵食，另一个北海道产八爪鱼寿司（$12）都好推介，中间有块紫苏叶夹住啲八爪鱼，一入口系好fresh。屋企人吾钟意炸物都觉得呢啲嘅CP值好高- 天妇罗拼盘（$27）入面有炸虾，冬菇，南瓜同茄子，全部都系即叫即炸，热辣辣同埋唔厚炸粉！茶碗蒸（$19）亦都系另一个好抵食嘅item，入边好足料，有成旧干贝，再食深一层有鸡肉，虾同冬菇！啲蛋滑溜溜好好味另一个好少人叫既系鲷鱼味蚬肉拉面（$32）入面都几多蚬下，粒粒胀卜卜，拉面比想像中弹牙～个汤都唔系死咸，推荐！