牛陣 (卓爾廣場)

营业中

休息中

因为工作关系，间中都会独自去卓尔广场食午餐。咁多间餐厅嚟讲，牛阵可以话系性价比最高、最抵食嘅餐厅。呢间牛阵地方唔算大，但我喺平日嘅中午时间嚟过几次，都唔需要等位。而喺餐厅门口拣套餐时，几位店员姐姐都超nice，由入座到埋单离开，佢哋都系笑容满面、非常有礼貌、服务殷勤。食物方便，熟食（有薯格、台湾肠、炸鸡等）一般啦，而火锅食材嘅种类虽然唔多，但品质唔错，我拣自己钟意食嘅每样一件都已经非常饱。仲有，饮品任饮，选择都几多，而最重要嘅当然就系Häagen-Dazs雪糕任食，每次有4种口味选择，而且全部都系啲受欢迎嘅口味，每次都忍唔住要食4、5球先够。整体嚟讲，我觉得平日中午嚟食真系好抵食，推介！