火鍋撚 (日富里百好大廈) (已結業)

火锅撚呢间野不嬲都知多人去，之前去过一次walkin嘅，都等一阵。所以特登今次约朋友平日黎，卜定位，顺利入闸🤣坐左冇耐个场已经full晒，估唔到平日夜晚都咁多人呀！！西环呢间卡位为主，我地两个人都有成个卡位，好阔落，值得一赞～少可香港食野可以咁有空间感。坐底第一件事梗系点汤底先啦，叫左个素之滋润汤锅～好足料，有红枣、粟米、红青萝卜，十足十平时屋企煲嘅汤，清甜到忍唔住渌野之前饮番碗先边炉必叫—手切肥牛！上次食过安格斯牛肉，觉得呢个完全系另一样野，雪花嘅比例适中，厚薄都恰到好处，渌几秒就食得喇！肉类方面仲叫左极品黑豚肉，极重猪味！唔好睇佢好似多脂肪咁，其实猪香味好浓郁👍🏻除左牛肉猪肉，仲叫左个四宝饺饺拼盆，有鱼皮饺有虾肉饺等等，食落都几新鲜～另外我地仲叫左个黄金炸鸡皮做小食，落足劲多咸蛋黄，劲邪恶今次依旧有糖水送，食过都系腐竹糖水沙冰，夏天食好清凉，正！