影片
更多
2023-09-13
344 浏览
天后新开居酒屋食物款式几多㖞！有齐串烧、刺身寿司、锅物、拉面乌冬炒饭、烧物、天妇罗等料理，仲有好多款日本酒，好岩大家放工黎chill chill！餐厅店面都几大，唔会太迫夹。重点系平日都开到凌晨1点，可以同朋友慢慢倾了。逢星期五六9pm-11pm好似仲有live music！▪️爆血之作一肝入魂拼盘 $188/5串超邪恶嘅串烧拼盘！分别有鹅肝、牛膏、牛肝、羊膏、鸡肝~ 一上枱已经闻到个阵油香，肥仔特别钟意平时好少见嘅牛膏羊膏，外层焦脆一咬爆油。鸡肝都唔错，绵滑重肝味。不过唔建议怕肥怕油腻嘅人士嗌▪️烟熏鲭鱼禾草烧 $298师傅先用日本稻草明火烧烤鲭鱼，再放入烟熏木箱以桃木烟熏熟。鲭鱼好软滑，有少少半生熟嘅口感，鱼味同烟熏香同样突出，都算我食过数一数二好食嘅鲭鱼▪️北海道海胆虾片 $288/2件虾片新鲜炸起，好香脆！马粪海胆软滑带海水味，呢个combo好难唔好食，唯独贵左少少▪️半熟赤鯥配海胆鱼眼晶酱汁寿司 $98/件好特别嘅一款寿司！酱汁用左海胆同鱼眼特制而成，赤鯥则昆布腌制7小时 再以低温慢煮做成半生熟，质地带点弹性，鱼味十足，酱汁较平时更有骨胶原嘅感觉，可惜海胆味偏淡▪️紫苏鸡皮虾 $68/
餐厅店面都几大，唔会太迫夹。重点系平日都开到凌晨1点，可以同朋友慢慢倾了。逢星期五六9pm-11pm好似仲有live music！
▪️爆血之作一肝入魂拼盘 $188/5串
超邪恶嘅串烧拼盘！分别有鹅肝、牛膏、牛肝、羊膏、鸡肝~ 一上枱已经闻到个阵油香，肥仔特别钟意平时好少见嘅牛膏羊膏，外层焦脆一咬爆油。鸡肝都唔错，绵滑重肝味。不过唔建议怕肥怕油腻嘅人士嗌
▪️烟熏鲭鱼禾草烧 $298
师傅先用日本稻草明火烧烤鲭鱼，再放入烟熏木箱以桃木烟熏熟。鲭鱼好软滑，有少少半生熟嘅口感，鱼味同烟熏香同样突出，都算我食过数一数二好食嘅鲭鱼
▪️北海道海胆虾片 $288/2件
虾片新鲜炸起，好香脆！马粪海胆软滑带海水味，呢个combo好难唔好食，唯独贵左少少
▪️半熟赤鯥配海胆鱼眼晶酱汁寿司 $98/件
好特别嘅一款寿司！酱汁用左海胆同鱼眼特制而成，赤鯥则昆布腌制7小时 再以低温慢煮做成半生熟，质地带点弹性，鱼味十足，酱汁较平时更有骨胶原嘅感觉，可惜海胆味偏淡
▪️紫苏鸡皮虾 $68/串
外层嘅三黄鸡皮烧得好脆，一食满口鸡油焦香，入面嘅海虾微弹，加左紫苏叶感觉上无咁腻。
▪️黑豚冲绳苦瓜炒蛋 $78
苦瓜爽脆苦而不涩，豚肉极肥，超重油脂香。加上蛋味浓郁嘅晓蛋，简单得黎好食！
▪️味噌博多牛肠锅 $168
日本牛小肠肥美软弹，一啲都唔韧。汤底加入九州、西京味噌混合而成，唔会太咸，重口味人士就觉得可以再浓啲啦~
▪️白松露油薯仔蛋沙律 $78
日本新薯软淋重薯味，面头洒满咖喱粉，香得黎唔会太辣，带淡淡白松露香。
🍶Garyubai Sparking wine
平时好少饮Sparkling sake，估唔到有bubbles、medium dry嘅清酒，同油香澎湃嘅串烧又几夹，一减油腻感之余，sake嘅甜味亦会更突出。整体嚟讲，好岩放工黎chill chill！食物款式多几岩送酒，有两三道都几有惊喜 (烟熏鲭鱼禾草烧、紫苏鸡皮虾、黑豚冲绳苦瓜炒蛋) 不过价钱偏贵
张贴
