紅橋 (已結業)

又一平民canteen被发掘！行街街，无想到要食乜，就是但揾下医肚噶地方。店铺睇落好细，原来里面仲有大把位置，真系柳暗花明又一村啊。装修都相当简洁清新，环境卫生都唔错。QR code自助落单，都相当方便。咦！！价钱相当亲民，款式又多选择，中又得，西又得，仲唔系平民canteen？海南鸡+鸡油饭，奉送例汤。惯例饭前饮啖汤，正常例汤水准啦，不过不失。鸡油饭真系好香，仲有浓浓的香茅味，劲大一碗，唔通老板知道我要医肚？海南鸡相当优秀，鸡皮紧致，唔算好肥，肉质鲜嫩，搭埋距地个酱汁，个人觉得真系好唔错，相当好味。鸡脾蛋包饭， 鸡脾扒煎到好香口，但肉质都唔柴。蛋包饭都好好食，蛋香味好浓郁。小食拼盘都劲大一份，单骨鸡翼食落好香的蜜糖烧鸡翼味道，但个人略嫌甜，有啲腻。虾多士外表香脆，搭埋黑芝麻，味道十分唔错。最优秀个人觉得系鸡包虾？鸡翼包住虾滑，鸡肉的肉汁浸入虾滑里面，味道丰富，好好味啊！食物质素唔错，价钱亲民，真系去边度揾啊。