安泰燒臘餐廳

营业中

休息中

今日又去咗安泰餐厅食晚饭,，今日就嗌咗碟豉油鸡半只，小炒王同豆腐班腩煲。 因为嗌咗两个小菜所以佢都有送埋餐汤，饭同餐前小食。小食日日都唔同，今日就系依个猪手。猪手有少少酸，十分之开胃，食落去仲有微微嘅八角香，真系食唔停呀。佢哋嘅豉油鸡都几大只，肉质嫩滑，唔会煮得太老，肉有多，咬落去好起劲，简直系啖啖肉，豉油调味又香，送饭简直一流。小炒王都落咗几多料，有韭菜，鱿鱼，大虾，小虾米，银针鱼，腰果等等，咸咸地，又香又好味。豆腐班腩煲就中中挺挺，其实同出面嘅餐厅都差唔多，正正常常。价钱嚟讲其实都算贵，呢几碟嘢就要280蚊接近三百蚊。一个月食一餐半餐真系够喇，咁既价钱我其实宁愿出去食一啲特别少少嘅西餐厅，可能都系同一个价。