多賀野 (新城市廣場一期)

营业中

休息中

最近去多左沙田，成日经过呢间拉面店，但就一直无去到食。有日放假两个人系沙田行完街买完𩠌又有啲饿，见到门口唔算好多人排队，一于试试佢！酱油拉面系呢间餐厅嘅皇牌，经过多次去日本食拉面嘅经验，点酱油拉面就稳阵，酱油加上铿鱼味道浓郁但又唔会太油腻，味道唔错。拉面本身系幼身，口感弹牙搭配汤汁啱啱好，食完一啖接一啖。配料嚟讲都算丰富，有两片微微烧过嘅叉烧、半只熟蛋同埋香笋。环境相对上比较暗，同埋土地问题令到枱同枱之间相对上比较近。加上当日系周末同埋午市时间，所以店员们都比较忙，上菜稍微有少少耐但依然系可以接受嘅程度。