光榮冰室 (教育路)

营业中

休息中

年初五去元朗食野，谂住食开光荣都无死错人，所以去食返个lunch。今次试新野，叫咖哩/茄汁颓饭。我叫左个炸髀茄汁炒蛋饭，个茄汁稀到好似鼻涕咁，虽然佢真系有蕃茄，但就完全无里味道。炸鸡髀又炸到好黑，味道一般。我仲要见其他台嘅鸡髀都好黑。咖哩果碟我朋友都话真系咖哩粉沟生粉水，又系无调味，好似唔识煮饭嘅人走去煮咁！不过炸猪扒就还好，几好食。喂，系咪个厨未开工？点解今次可以咁难食？本身无谂过要写食评，所以无影相，但真系要纪录低我食剩咁多真系食唔落去嘅第一次。平时食开心浩园餐都无事，以后唔会再食佢个茄汁+咖哩汁，好垃圾。仲有个收银同个女待应系咁系度嘈出粮计粮d野，好烦，个收银周围执野又系度掷野发脾气，系度同条金毛女嘈交，话要即日出粮，听足成程，今餐已经难食架啦，仲要睇人闹交发烂渣，好难受。