影片
更多
2013-03-12
2811 浏览
食一餐好嘅日本嘢，三几百喺等闲事，不过，如果你唔喺餐餐都要有要求，想悭悭哋，三几十一餐日本嘢都唔喺难揾，就连尖沙咀咁贵租嘅地方，都仲有啲咁平嘅午餐。有人招呼，但又唔收加一，价钱同去快餐店相差无几，位处厚福街尾地库嘅青叶日本料理，都可以话喺粮尾悭钱之选。原来打算去「唯一」食餈饭、咸豆浆，但经过青叶，见到佢个易拉架鸡乸咁大个字写住「精选午餐定食 $32up」，贪平所以就望望佢个餐牌，𪠳！边有$32个定食啫。不过，最平嘅都只不过喺$36，最贵嘅都唔过$50，包面豉汤同餐饮，无加一添，抵过晒附近啲美心同大家乐啦！餐厅内装修几雅致，不过地方唔喺好大，有少少逼，但有样好，逢喺4人位都有个木屏风间住间住，虽然对私隐度无乜帮助，但就减少被隔离枱嘅骚扰。餐厅夜晚做放题，日头有午餐做定食。午餐有两个餐牌，一个喺由星期一至日，每日供应7款唔同定食嘅「每日精选午餐」餐牌，价钱分别由$36-$42，选择都几多元化，有拉面、乌冬、汤饭、寿司……等等；另一个「精选午市定食」餐牌，由1-13共13款料理，卖$36-$50，而选后者，仲可以用优惠价加配其他嘢，例如：+$5可配野菜沙律（芝麻沙律汁或凯撒沙律汁）、+$8可
原来打算去「唯一」食餈饭、咸豆浆，但经过青叶，见到佢个易拉架鸡乸咁大个字写住「精选午餐定食 $32up」，贪平所以就望望佢个餐牌，𪠳！边有$32个定食啫。不过，最平嘅都只不过喺$36，最贵嘅都唔过$50，包面豉汤同餐饮，无加一添，抵过晒附近啲美心同大家乐啦！
餐厅内装修几雅致，不过地方唔喺好大，有少少逼，但有样好，逢喺4人位都有个木屏风间住间住，虽然对私隐度无乜帮助，但就减少被隔离枱嘅骚扰。
餐厅夜晚做放题，日头有午餐做定食。午餐有两个餐牌，一个喺由星期一至日，每日供应7款唔同定食嘅「每日精选午餐」餐牌，价钱分别由$36-$42，选择都几多元化，有拉面、乌冬、汤饭、寿司……等等；另一个「精选午市定食」餐牌，由1-13共13款料理，卖$36-$50，而选后者，仲可以用优惠价加配其他嘢，例如：+$5可配野菜沙律（芝麻沙律汁或凯撒沙律汁）、+$8可配芝麻八瓜鱼及朝鲜螺肉、+$12可配二色刺身（三文鱼2件、甜虾1只）……等。结果，小弟同老婆都喺晌「精选午市定食」度拣到心水，一个食鱼，一个食牛。
盐烧鲭鱼 $37面豉汤都算OK，面豉味几浓郁。而盐烧鲭鱼，外貌都几对办，烧得外皮几脆，简单有朕咸鲜味，肉就算唔上上好，但三十零蚊都唔可以太过苛求吧！服务方面，啲侍应都做得几上心，好似我老婆个饭要求要少饭，费事食唔晒盏嘥，果然嚟到碗饭喺少咗一截。
香蒜牛柳粒定食 $40香蒜配牛柳，对喜欢食肉嘅小弟，自然成为首选。牛柳粒估唔到都有唔少㖞，而且，以咁嘅价位，啲牛柳粒肉味不俗，亦带有蒜香。喺唔多钟意配椰菜，因为老婆唔多喜欢，佢公司饭堂经常搭椰菜，食鬼到厌呀！另外，啲饭有少少削，少少烂，食得唔够称心啫。
餐饮定食所送嘅餐饮，冷热随意，唔需要特别加钱，都喺港式茶记嘢同汽水，小弟拣咗杯冻柠宾，老婆就要咗热柠水，如果散叫价都要成$15、$12架！食饱慢慢饮埋杯嘢先走人，平有平食咁又一餐。
张贴
