薩莉亞意式餐廳 (長發廣場)

营业中

休息中

同朋友Girls talk，唔一定要饮酒先可以详谈，可以慢慢坐先系我嘅首选。晏就约咗朋友食萨莉亚，平平地坐得都算舒服，倾倾下就倾咗个几钟好彩入座之后唔算好多人等，无被人赶。-芝士焗薯角同我食过萨莉亚嘅人应该都知，呢款系我必点。虽则有对比过贵价啲嘅薯角的话，萨莉亚薯角真系逊色啲。因为佢嘅薯角外皮其实唔脆，系软稔同湿润，可以话无咩层次可言。但加上拉丝芝士同咸香烟肉片，就救得返整体。再者10几蚊算系性价比唔错。-肉酱多莉亚呢款我比较少食，系萨莉亚自家调配嘅肉酱白汁焗饭。酸酸甜甜都几开胃，焗饭都系都比湿个类，不过不失。-脆焗香味鸡球卖相唔太讨好，好似一旧旧萎缩咗嘅麦乐鸡。而口感同麦乐鸡都好似，炸皮较薄，唔会太咸。加上开胃沙律酱，算系唔错嘅小食，但唔太值20几蚊。-水牛芝士薄饼对薄饼饼底无咩要求嘅人相信都会钟意食萨莉亚薄饼。老实讲，萨莉亚薄饼饼底唔够外脆内软，口感系单一，同普通面包无异。不过水牛芝士作配料系唔错，芝士味都够，但未算好浓郁，平有平食。