euro go go

营业中

休息中

今日要出葵芳搞啲野，搞完都仲好早，于是就去左Euro go go食个早餐，Euro go go Lunch就食得多，早餐真系第一次。选择都几多，见到有牛角包好吸引，于是就叫左牛角包配火腿香肠鲜茄汤通，餐饮叫左热咖啡，朋友就叫左芝士吞拿鱼法包配鲜茄汤通，野饮叫左热奶茶。野食等左5分钟到就黎，牛角包热辣辣，食落脆卜卜，仲有阵阵牛油香，牛角包真系比其他餐厅同面包铺出色。朋友嘅芝士吞拿鱼法包都好好食，多士超香脆，上面铺满吞拿鱼，吞拿鱼上面又铺满芝士，十分足料，啖啖肉。两个汤通其实都系一样，只不过我𠮶个多左火腿同香肠，个汤底就略咸左啲啲，不过通粉都几弹牙，整体黎讲都唔差嘅。但两杯野饮就真系唔Ok，个咖啡超苦，有奶有糖都好苦，饮惯斋啡嘅我饮左两啖都投降。朋友就话佢杯奶茶得个样好淡。睇黎下次都系饮柠檬茶稳阵啲!