醋娘子 (已結業)

呢一日带咗内地嘅朋友来香港玩，佢比较钟意食中菜，拣咗一间价钱比较平民嘅餐厅，佢系位于上环。餐牌嘅价钱比较吸引，好多野都想试，拣唔落手！环境唔算好大，但系几乎无时无刻都系满座，转手得好快。首先叫咗一碟上海生煎锅贴四只＄26 煎得非常香口，外皮的口感带点脆脆的感觉，里面嘅肉唔算好大旧，份量啱啱好，沾上红醋，味道唔错。之后仲叫咗菜肉云吞＄38，佢系啲一碗嘅形式上，旁边仲有一些生菜，都好抵食呀！最钟意呢个云吞皮薄喊靓，特别系云吞皮非常之薄，口感滑溜溜的，用心之作。花雕浸醉鸡＄48 鸡肉的口感比较鞋身，这一点是有点失望的。但是，味道非常之正，醉鸡汁味非常之香浓，酒香十足，食到停唔到口。菠萝鸡粒炒饭＄78 呢个炒饭非常之大的，两至三个人份量吧，菠萝非常鲜甜，鸡肉有鸡味，不过肉质比较干身。饭都炒得几好食，饭粒粒粒分明同时亦都唔会太干。价钱非常平民，味道质素又唔错，值得再来。餐厅有其他辣食，水煮系列、酸辣汤和麻辣一系列⋯⋯钟意食辣嘅朋友一定唔可以错过。