八方台式麵屋 (新都城中心二期)

营业中

休息中

经过将军澳新都城中心二期见到有新开的台湾餐厅～八方台式面屋， 见到餐厅入面很多顾客， 心谂一定好好食，所以即刻去试下。 😋食台湾菜点少得牛肉面？点返个半筋半肉牛肉面$65， 跟住又好想试下这里的面线～基隆庙口面线$48， 再加小食和饮品～夜市花枝丸5只( 追加小食 $15)， 招牌猪腩刈包$32，蜂蜜柠檬( 加配套餐饮品 $10)， 黑糖珍珠鲜奶( 加配套餐饮品 $20)。基隆庙口面线～ 超大碗好抵食， 面线里面有猪大肠和贡丸，推介。👍🏻半筋半肉牛肉面～ 牛筋和牛腩炆得够淋好入味， 汤底浓郁带辣， 面的质感烟韧， 不会感觉太软， 配菜有红萝卜和白萝卜， 两款都好甜美。🥢😋夜市花枝丸5只～ 花枝丸口感有点硬， 幸好味道可以。招牌猪腩刈包～ 见香港好少有刈包， 所以试下， 包皮有点像馒头， 软淋淋又够热， 猪扒煎得好香， 配上青瓜可以去腻， 非常好吃， 必点推介。💯蜂蜜柠檬～ 估唔到饮品都唔错㖞！ 柠檬味超香， 甜甜地带点酸。黑糖珍珠鲜奶～ 鲜奶好香滑， 珍珠烟韧有咬口。八方台式面屋价钱经济， 食物水准中上， 绝对值得推介。