一龍拉麵 (已結業)

今日放假无野做，谂住去到新开商场WeGoMall食个晏就。一入到商场，就闻到好大阵虾味 香到成个商场都系果阵味，揾左好耐都唔知阵味系边到嚟。最后问左个保安先知原来一楼角位有间细细地大概十个位左右既拉面铺。行到过去，见到师傅煲紧龙虾汤，都好足料。虽然当时坐系度既客唔多，心谂可能有伏，但系一支公又唔想上酒楼同去食刺身咁孤独，死就死啦 叫左碗龙虾汤拉面试下佢。等左晤系好耐，太约五分钟左右碗面就到左，都几多丰富，有五只大海虾 仲要无壳，其余就系葱 粟米 木耳 荀片同半只蛋。汤底够浓 唔系味精开水。最后同个师傅仔吹左阵水，原来佢地用50磅龙虾头去煲汤底。而且虽然铺头细，但师傅整面有心机，可见唔系随便整。食完面同师傅仔吹左阵水就埋单走，盛惠$83。个人认为$83食到新鲜虾同咁多配料既拉面已经物超所值，仲便过食其他大牌子拉面铺。