泰 (已結業)

黄大仙一区向来都有好多唔同款式嘅餐厅选择，今次我哋就决定试下泰国菜。泰国餐厅里面好多食物都好抵食 ，而我哋两个人叫咗一个椰青同埋两款小食，再加个饭已经好饱 ，好抵食。首先我哋就叫咗个糯米饭酿鸡翼。鸡翼烧得好，层皮好脆之余，里面仲有一粒粒嘅糯米饭 ，糯米饭都整得好干身，同埋佢嘅味道 同个烧鸡好夹好好味。另外，我哋仲叫咗两只大海虾 。海虾上面铺咗啲蒜蓉酱，啲肉质好弹牙好，食落去啖啖肉， 味道同口感简直系一流!最后，我哋叫咗个餐厅推介嘅濑尿虾酱炒饭。 佢比平时嘅虾酱冇咁浓味，呢款饭好有新鲜感，食落去都一啲都油腻，佢仲加咗炒蛋喺上面添!而且分享量都好多，食完好饱好满足 。椰青方面，好大个，里面好多汁。 环境方面 ，里面好宽敞，坐位好舒服。值得一赞嘅就系啲员工服务效率好高，而且好好礼貌 ，临走𠮶时佢仲不断多谢我哋今次黎食泰国菜，希望我哋下次再黎，令到我哋有宾至如归嘅感觉!