M3 Italian (已結業)

呢排黎个大反弹，归隐咁耐终于可以随心出街食好野，好挂住呢间平呢高质西餐厅呀，先黎个龙虾汤先啦！主菜加$78就可以转餐，甜品、饮品、餐汤，3选2。心大心细最终我都系拣甜品同餐汤，香滑浓郁嘅龙虾汤，入口鲜味，汤身都几creamy，里面仲有虾、带子等等，几好味。登登登登！黑松露野菌意大利饭配法国煎鹅肝！确实水准几高架，饭质黏口又香黑松露味，鹅肝...入口即化，油香慢慢喺舌头同口腔之间游走，系我心水菜单之一。甜品必点Creme Brulee，卖相精致，外脆内滑， 蛋味浓而幼滑，超钟意！呢种食物水准，真系要去呢度食先至咁亲民嘅价钱，加埋一都只不过3百头，装修好raw好岩倾计食饭，系favorite 之一。