和食快餐 (曹公坊)

营业中

休息中

荃灣有間超平民價嘅日式豬扒飯店，由中學食到宜家，由荃豐店開到愉城附近嘅第二間分店，而老闆又真係日本人，所以賣嘅日式飯真係好正宗架！佢呢到最出名就係咖哩豬扒飯，啲豬扒真係吉列豬扒，咬落好鬆脆，配埋個燒汁撈飯真係好好味！一個飯好大碗下，如果嗌飯的話，有個麵豉湯送，飲熱飲就另外加錢。下午茶餐就會抵啲添！值得一提就係佢嘅加洲卷同蟹子沙律都好好味架，兩個人嗌左兩個飯、兩杯凍飲再加4件加洲卷都係$108咋，仲要飽到攬住個肚走添！