影片
更多
2024-01-09
18 浏览
食完两个字：高质！真系未谂过屋邨商场都有呢个质素嘅放题食，唔单止装修有日式居酒屋feel，每一款我地食落肚嘅野都系水准以上。一黎就送一盘海鲜、一盘刺身、一碟牛肉豚肉拼盘，净系食完呢3盘已经值回票价！非常惊喜嘅有（排名不分先后）：1. M6澳洲和牛肩肉 非常嫩滑，油脂分部适中，配寿喜烧一流2. 安格斯牛小排 完全系出面食贵价火锅放题嘅靓牛小排、厚度合适，牛肉味重3. 牛骨髓 估唔到有牛骨髓食㖞！好滑，好香～4. 冰菜 师傅话冰菜唔系成日有，所以menu冇得点，但佢地有嘅话都会送俾客食，仲教埋我地滚4秒就要食，先食到冰菜嘅爽脆爆水5. Brownies & 抹茶蕨饼 放呢2款甜品嘅位好隐蔽！但都逃唔过我嘅法眼！系普通胶盒装住嘅呢2款甜品都劲好味！唔会死甜，brownies 浓朱古力味，口感松软唔浆口、蕨饼软硬适中食到绿茶味，解腻一流6.清酒任饮 虽然我唔好酒，但系见到清酒任饮都觉得好吸引呀！最最最想赞嘅系：小童、有绿悠卡、生日前后2日都差唔多减成100蚊！即刻好想带埋长老黎encore!
真系未谂过屋邨商场都有呢个质素嘅放题食，唔单止装修有日式居酒屋feel，每一款我地食落肚嘅野都系水准以上。
一黎就送一盘海鲜、一盘刺身、一碟牛肉豚肉拼盘，净系食完呢3盘已经值回票价！
非常惊喜嘅有（排名不分先后）：
1. M6澳洲和牛肩肉
非常嫩滑，油脂分部适中，配寿喜烧一流
2. 安格斯牛小排
完全系出面食贵价火锅放题嘅靓牛小排、厚度合适，牛肉味重
3. 牛骨髓
估唔到有牛骨髓食㖞！好滑，好香～
4. 冰菜
师傅话冰菜唔系成日有，所以menu冇得点，但佢地有嘅话都会送俾客食，仲教埋我地滚4秒就要食，先食到冰菜嘅爽脆爆水
5. Brownies & 抹茶蕨饼
放呢2款甜品嘅位好隐蔽！但都逃唔过我嘅法眼！系普通胶盒装住嘅呢2款甜品都劲好味！唔会死甜，brownies 浓朱古力味，口感松软唔浆口、蕨饼软硬适中食到绿茶味，解腻一流
6.清酒任饮
虽然我唔好酒，但系见到清酒任饮都觉得好吸引呀！
最最最想赞嘅系：
小童、有绿悠卡、生日前后2日都差唔多减成100蚊！
即刻好想带埋长老黎encore!
张贴
