影片
更多
2019-04-18
97 浏览
喺香港，好食嘅西餐真系可遇不可求，唔系价钱贵就一定会好食，所以试过好多都贵得黎水准却好一般。呢间餐厅系朋友极力介绍我嚟，一开始会觉得土瓜湾好唔方便，但既然讲到又平又抵食，咁就梗系要来试吓啦。 店舖细细间，系做fine dining，只有Set dinner 供选择，价钱$298已经可以食到四道菜，仲有牛扒添，平到有少少难以置信。后来店员解释店舖本身有自己嘅农场，所以食材成本都会低啲，食材亦更优质。首先系前菜《西班牙黑毛猪24月熟成》以往食过好多既Ham都好咸又或者干，难以入口，但呢个完全唔会。油份虽然多少少，但食落更加香口，从色泽睇已经睇到系好新鲜同埋优质，配上既蒜蓉包亦十分香脆，味道好好。《北海道珍宝带子》带子好大粒，煎得好香。中间仲有少少透明，所以系半熟既状态，食落更加爽口同埋软稔，口感好好。餐汤《薯仔大蒜汤》曾经饮过既薯仔大蒜汤系好稀，薯味亦好薄弱。不过呢个汤比较绵密，可以饮到极幼细既薯泥，令到成个汤既薯味更出，淡淡既蒜味提升层次同时唔会盖过左薯香，好出色。《香蒜西班牙橡果饲养黑毛猪腊肉肠炒虎虾》+$88腊肠本身有好多脂肪，而佢地就切左多余既脂肪用来当做油去炒虾，一上枱已经闻
店舖细细间，系做fine dining，只有Set dinner 供选择，价钱$298已经可以食到四道菜，仲有牛扒添，平到有少少难以置信。后来店员解释店舖本身有自己嘅农场，所以食材成本都会低啲，食材亦更优质。
首先系前菜《西班牙黑毛猪24月熟成》
以往食过好多既Ham都好咸又或者干，难以入口，但呢个完全唔会。油份虽然多少少，但食落更加香口，从色泽睇已经睇到系好新鲜同埋优质，配上既蒜蓉包亦十分香脆，味道好好。
《北海道珍宝带子》
带子好大粒，煎得好香。中间仲有少少透明，所以系半熟既状态，食落更加爽口同埋软稔，口感好好。
餐汤《薯仔大蒜汤》
曾经饮过既薯仔大蒜汤系好稀，薯味亦好薄弱。不过呢个汤比较绵密，可以饮到极幼细既薯泥，令到成个汤既薯味更出，淡淡既蒜味提升层次同时唔会盖过左薯香，好出色。
《香蒜西班牙橡果饲养黑毛猪腊肉肠炒虎虾》+$88
腊肠本身有好多脂肪，而佢地就切左多余既脂肪用来当做油去炒虾，一上枱已经闻到好香。去除左大部分脂肪后既腊肉肠较瘦，降低腻度。而虾因为用腊肠油炒，所以咸香味更突出，好好味👍🏻虎虾既份量好多，足足有12只，超级抵食。
《杂菜沙津》& 《黑松露薯条》
呢两款配菜都系任食。杂菜沙津一啲都唔马虎，加左橄榄油同埋黑醋后，令到本身麻麻地食沙津既我都觉得好味👍🏻而薯条都好有惊喜，炸得香脆之余仲有黑松露系面😍但唔配茄汁食会觉得干。
《烧湿熟成美国牛肩排配醋青酱》
牛肩以慢煮方式烹煮，无血水既同时可以锁住返肉汁，食落更软嫩👍🏻扒既牛肩味好重，油脂纹幼细而且分布好平均，juicy得黎又充满油脂香👍🏻完全唔干身，好味👍🏻
《西班牙猪鞍配黑醋》
呢个系厨师既是日精选，原本食唔惯非全熟既猪，点知好有惊喜！猪鞍完全唔会有好重既猪苏味，而且食落好多肉汁，外皮略脆，亦煎得好香呀！个人觉得比牛更好食👍🏻
《芝士蛋糕》
口感扎实幼滑，芝士味都好重，细细件唔会过腻。
呢餐真系好满意，食物好高质之余又完全唔贵，呢个价钱食到fine dining真系好难得。值得赞既系侍应好有礼貌，每上一道菜都会细心介绍，可见餐厅无论服务定食物都好用心，值得再黎。
张贴
