百樂金宴 (已結業)

上次阿妈大寿嚟过百乐金宴，自此佢就成为家庭聚会嘅首选食肆 。Joy@KCC 同葵兴地铁站相连，就算落雨都唔驶怕，今日一行11人帮衬，点咗两个前菜、七𩠌一汤，仲有糖水。盛惠$13XX！是日优惠有特价冬瓜盅，可惜我哋嚟迟咗，冬瓜盅已经售罄喇！唔怕！是日汤水（例汤）都唔错，日日唔同嘅老火汤，无添加味精，饮完唔口渴前菜 - 素鹅，素菜清爽淡味，腐皮炸到脆卜卜，炸得干身，一啲都唔油腻。前菜 - 口水鸡，鸡件本身同白切鸡无异，只系淋上麻辣酱汁，但关键就在于此，麻辣香到不得了，而鸡肉本身又好嫰滑，𩠌饭一流蜜汁叉烧（例），叉烧入味，只系有少少干！百乐小炒王，海味炒韮菜花，香脆口感！炒西兰花，配料丰富，味道不过不失。脆皮咕噜肉，酱汁酸甜非常开胃，肉片炸到脆卜卜，又非常香口！冰梅榄角排骨，榄角嘅咸味，配以冰糖嘅甜味，再加埋酸梅嘅酸味，等于……好好味 味道层次丰富，咸甜酸味道，各自独立又互相辉映！清蒸海班，足两斤8重，游水7生猛，一字记之「鲜」！招牌炸子鸡，卖飞佛！皮脆肉嫰，啖啖肉，唔驶酱汁都好够味，一定要趁热食秒杀佢！凡惠顾晚市都赠送陈皮红豆沙，晚饭圆满了！服务方面，因为晚市人流唔多，待应都系一对一服务，