百樂金宴 (已結業)

Book12人比張8人枱，全場無人都唔肯比張闊落少少嘅枱一班行動唔方便嘅老人家 叫極無人理，要乜無乜酒轉汽水無黑可樂，轉頭話有但唔凍 -「你係咪要吖！」食物質素無特別老人家講明，永遠都唔會再黎

服務十分差，平日約1200到當時只坐了两成人，他們分了1張4人枱給我們，但因為係工作人員出入口所以想換1張但問了两三張都唔得，原本4人人位之後只比两人位，明明空位多的是而且我們不是要求窗口位呢啲熱門位置，服務員明顯無留客的態度，可能見只得2人所以不在意。最後當然走啦，有咁多選擇無需要受氣！

魚同龍蝦都唔新鮮，不過睇嚟都係嘅因為人少D野又點會新鮮呀，又呃人特價紙一定要加兩碟花生，唔係就唔可以叫特價野，另外叫嘅餸就貴，而且服務員態度又唔好差差差，大家一定唔好來食，唔係一定失望⋯⋯

難得放假陪老人家飲茶，諗住就下老人家唔想去太遠，就揀了這間在老人家附近的酒樓。這酒樓位於九龍貿易中心，葵興地鐵站行過去8分鐘左右，在工廠區內，不太顯眼，也不算太好找。我們早上11點左右到達，整個場只有兩三檯客，環境算好安靜。一坐低睇點心紙，完全沒有任何優惠，點心款式不算多，小點也要接近$30，而小點的點心好似找不到...基本都是中點，大點，特點，精點！而精點的就接近$50一籠，這價錢在茶餐廳也能吃到一個套餐了！這價錢就說明了為什麼客量這麼少！為了飽肚，我們點了鴛鴦飯，這個飯都要$118再加一！賣相正常，味道一般，沒有過人之處。叉燒腸用長碟，賣相好似幾高級，但收你$40幾蚊！擂沙湯圓，芝麻湯丸加黃豆粉。印象中的擂沙湯丸好像不是這樣的？太少食，不記得了。細細粒，每粒$10！家人點了紅棗糕，不算太甜，幾煙韌。還有流沙奶黃包，上湯鮮竹卷，金錢肚，鯪魚球，正正常常，沒有太大驚喜。茶錢每位$13！只是這麼一點食物，加5個茶錢已要接近$500，一D都唔抵食！

上次飲茶都已經有不快經驗，諗住今次俾多次機會佢啦，點知都係一樣。叫咗個椒鹽魷魚酥，頂點$48 ，但係份量少得可憐😪絕對唔會再有下一次。 如果大家想飲茶的話，建議大家諗清楚

家人要訂這裡食團年飯不是第一次，過去還可以，但今年的全包宴$5688菜單，課不對板，不之所謂！乳豬全體，睇相你覺得是否夠全只？龍蝦伊麵用的不是伊面，是上海面之類，成盤面似湯面。餐單寫什麼「海虎杉班」，又給了本地沙巴龍躉。紅燒花膠蟹肉生翅，冇花膠、冇蟹肉，更冇翅！只有豆粉水。原只鮑魚是反轉擺的，你見過未！？因為一反轉，只是薄薄一片。酒樓人手不足可以理解，但食物質素是香港飲食天堂的基本。最後的燒雞是可以的，但比較細只；我們人多補了兩位錢，最後埋單要$7500。而紅豆沙湯丸更加嘔心！簡直覺得食緊垃圾。

今天我們整間公司的員工難得一次一起共晉午餐，我們再次光臨一家位於甲級寫字樓的專門品嚐貴價菜的豪華酒家- 百樂門。是次我們要遷就全體員工的喜好，所有食品也經過度身訂造才挑選。份量及數量不及上一次跟老闆一起的為多，沒有點選商務套餐，只是平時品嚐點心消磨時間而已。我們點選3道不同味道的粉麵飯各一，分別是黃金蝦黃炒飯、什錦海鮮鳥冬及賽螃蟹蛋白伊麵。材料的共通點全含有鮮蝦，口感彈牙。當中最有特色的一道以最後者為罕見，賽螃蟹的材料跟同一菜式發源地上海製法大相逕庭。味道一點不遜色、差不多整碟的蛋白味重配上香濃的醬油麵底炒一次、吃過後彷彿把它溶化一團白雪般，蛋白質十足，絕對是營養之選。而前者的黃金則是指蟹黃，由當中的精華提煉出來後攪拌成漿狀再炒一次，每顆飯粒充滿鹹香鴨蛋味。然後我們再品嚐幾道鹹點心，包括最傳統的蝦餃、燒賣、雞腳、蟲草花白菜及牛肉叉燒腸粉，然後才品嚐甜蜜小食。我們點選了蜜糖脆麻花、甜薄餅卷、馬拉糕及布丁。最具特色的一款是甜薄餅卷。它的材料含有椰絲、花生醬、果醬，外皮則是跟麥當勞的熱香餅以新鮮蛋黃製作而成。後把各材料包裝外皮的內部，跟弄腸粉般手法整條再捲一次，形狀變成一條香蕉，把它打直切開

跟朋友相約來聚餐，一進門看到裝修後環境不錯，有無敵大玻璃，感覺乾淨舒服入席上菜後食物整體感覺味道出乎我意料，對宴席食物我沒有太大期待，但她家食物口感及新鮮度都給我驚喜，我晚餐一般吃好少，但這次真的吃好多，下次到這區會再次光臨

上次阿媽大壽嚟過百樂金宴，自此佢就成為家庭聚會嘅首選食肆 。Joy@KCC 同葵興地鐵站相連，就算落雨都唔駛怕，今日一行11人幫襯，點咗兩個前菜、七餸一湯，仲有糖水。盛惠$13XX！是日優惠有特價冬瓜盅，可惜我哋嚟遲咗，冬瓜盅已經售罄喇！唔怕！是日湯水（例湯）都唔錯，日日唔同嘅老火湯，無添加味精，飲完唔口渴前菜 - 素鵝，素菜清爽淡味，腐皮炸到脆卜卜，炸得乾身，一啲都唔油膩。前菜 - 口水雞，雞件本身同白切雞無異，只係淋上麻辣醬汁，但關鍵就在於此，麻辣香到不得了，而雞肉本身又好嫰滑，餸飯一流蜜汁叉燒（例），叉燒入味，只係有少少乾！百樂小炒王，海味炒韮菜花，香脆口感！炒西蘭花，配料豐富，味道不過不失。脆皮咕嚕肉，醬汁酸甜非常開胃，肉片炸到脆卜卜，又非常香口！冰梅欖角排骨，欖角嘅鹹味，配以冰糖嘅甜味，再加埋酸梅嘅酸味，等於……好好味 味道層次豐富，鹹甜酸味道，各自獨立又互相輝映！清蒸海班，足兩斤8重，游水7生猛，一字記之「鮮」！招牌炸子雞，賣飛佛！皮脆肉嫰，啖啖肉，唔駛醬汁都好夠味，一定要趁熱食秒殺佢！凡惠顧晚市都贈送陳皮紅豆沙，晚飯圓滿了！服務方面，因為晚市人流唔多，待應都係一對一服務，

今天我們整間公司為老闆慶祝花甲大壽，他特意挑選了一家位於甲級寫字樓的專門品嚐貴價菜的豪華酒家- 百樂門。它的設計較一般的大相逕庭，進入門口走廊的拱門更是鑽石設計，充滿光芒，再經過兩旁掛上油畫的走廊，才走進大廳的部份。我們一行人點選2及4人套餐各2客，首先來的是龍躉班頭腩兩味小菜作配襯，分為碧綠炒龍躉球及蔥花蒸頭腩兩小碟上，肉質及魚皮鮮嫩，嚼勁十足，當中成份更含有豐富的OMEGA 3，感覺像吃了一瓶魚油丸，心臟瞬間健康了不少。還有西蘭花帶子蝦球及牛柳粒兩道小菜。前者的帶子即帆立貝來自日本北海道新鮮鹹海水，肉質大如一隻手掌般沒有急凍過即炒，肉身肥厚，味道鮮爽香甜，海水味沒有流失。蝦肉及牛柳粒口感跟螺肉嚼勁，落口即溶，彷彿一條扯不斷的橡皮圈。品嚐完特盛的海鮮後，再來幾道家禽類的小食-鴛鴦雞及燒鵝王，特選即日運送不徹夜雪藏的特大新鮮雞隻或燒味精心炮製而成。前者則是口水及吊燒雞，口水雞醬汁則是四川麻辣鍋的製法，甜中帶辣及刺鼻，挑戰你的味覺。如果嚐不到辣的，還有另一口味可供選擇，它是以沙薑醬配合，帶點鹹水味。不論蘸任何醬汁，雞味肉質鮮嫩幼滑及鮮甜，多重加熱仍保留雞肉的鮮味。燒鵝更是即叫即燒，肉質更

本來這家酒樓家人來過數次，評價不錯。可惜今晚叫的「富貴炒班球」臭了，我們告訴經理，他堅持是新鮮切出來，一直不願收回。非常失望！其他食物還OK，不過這樣的服務態度真的趕客😤

臨近年尾，吃團年飯的活動開始了，今日團年飯安排吃滋補蛇宴實有點意外，荃灣大窩口站帝盛酒店內的百樂金宴，陌生名字，年青時的工廠區。原來蛇宴套餐會有2窩蛇羹 除咗頭盤菊花五蛇羹，仲有七彩炒蛇絲、 酥炸蛇丸、暖胃燉蛇湯、更有明爐羊腩煲、 鮑片時菜、新鮮嘅盤龍蒸鱔、脆皮燒雞和 禦寒臘味飯，甜品馬豆糕後上，包羅萬有，食物夠熱蛇羹配上香草、菊花和薄脆，味道真的不錯，燒雞皮脆肉嫩，臘味飯軟硬適中 獨欠椒鹽蛇碌，上菜又快，環境舒適，可惜全程敗筆於服務態度差和洗手間不足，酒店與地鐵站距離有點遠，大約行15分鐘，飯後才知有酒店巴士到葵芳地鐵站……笨蛋🐽。

今日和家人來飲茶，原本想去附近另一間，但上班一族放飯，剛好這間不用等位馬上有枱，而且上菜非常快，好有效率。鐵觀音茶香，茶錢$12略貴。金牌奶黃包完全看不出那麼金牌，非常普通的奶黃包。韮黃蝦腸正常，蝦夠大隻，腸粉都滑，反而吃不出韮黃。酥皮蛋撻仔熱辣新鮮的，這個挺不錯。番薯糖水番薯夠腍，糖水甜度剛好。

要包廂食晚飯，我真心推介百樂金宴！百樂金宴位於葵興舊工廠區內嘅商業大廈，星期六日人流非常少，一般情況同朋友/家人叫小菜食飯都唔駛訂位。因為人流少相對服務就較為細心周到！今晚因為一家之主（媽媽）生日要包廂房，所以要預早訂位，同樣係全包宴，廂房價錢比坐大廳貴幾百蚊，但又包麻省，卡拉 OK，所以都化算嘅！全包宴一席12位共十道菜 $4088乳豬全體 - BB 豬皮脆肉嫰脂肪少，乳豬味道鹹淡適中，配海鮮醬仲可以提鮮，轉眼就食晒隻豬仔喇！芝士龍蝦伊麵底 - 兩隻中 size 龍蝦，蝦肉已鋪滿全碟，蝦肉鮮甜彈牙，食得出係生猛海鮮，伊麵份量十足好有飽肚感！海味鮮雜菌扒西蘭花 - 雜菌味濃配鹹鮮海味，口感、味道層次豐富！百花釀蟹鉗 - 今古宴會中嘅大菜，飯桌上嘅 VVVVVIP！蝦膠爽甜彈牙，可惜蟹鉗肉係雪藏貨，冇蟹肉鮮味，相對失色！花菇鮑魚扒生菜 - 花菇厚身味濃，鮑魚吸滿蠔油汁鮮味爆發，難得係個汁一啲都唔鹹，配生菜就啱啱好喇！當紅炸子雞 - 真正皮脆肉嫰，皮下雞油預先切走，啖啖雞皮脆香！雞肉味偏淡配醮汁就剛好！瑤柱蛋白炒飯 - 飯粒分明，火喉十足！清蒸海斑 - 游水海鮮基本上冇咩好挑剔，火喉剛好保