聚一醉火鍋小館 (已結業)

红磡有条美食街，一直只闻其名，从未拜访过。聚一醉就位于呢条美食街。港铁黄埔站开通后，去就更方便。地方阔落又干净。冷气通风做得唔错，食完唔会一身边炉味。小店似是家庭式经营，伙计醒目反应快，更会主动介绍当日新鲜食材。点菜后，伙计捧上调味料。调味料放入玻璃罐入面，并有盖。玻璃罐十分干净，唔会NUP次次。蒜蓉，辣椒加豉油。一直以为胡椒猪肚汤只能系潮州打冷先饮到。估唔到呢度汤底有得拣  超级多料，椒味浓郁。净饮汤都抵炸鱼生 $32香，脆，分量十足。手切牛颈脊 (小) $218原本打算要手切肥牛，好彩伙计提点好正。分量多唔在讲，单睇相已见到肉色鲜红，十分新鲜。脂肪比例媲美和牛，然而牛颈脊咬落有口赵头，而唔痴牙。牛味满分，加上汤底的胡麻感觉，层次分明。安格斯牛柳粒 $88牛柳粒的脂肪比牛颈脊多。但因牛柳粒较厚，脂肪多就唔容易令肉质变韧。个人觉得呢个牛柳粒入口果种舌头与油脂交溶的感觉，比起肥牛来得实在。墨鱼滑，虾滑双并 $88双清打得非常细腻，唔会食到一粒粒。碌耐D都唔会影响口感。另叫左可乐，一枝都只系$8。