Season Plus (已結業)

难得过海黎到观塘，梗系要食好啲先对得住自己喇！带左家姐去食Season Plus，因为佢同我一样最钟意就系食生蚝同海鲜！先拣左几款生蚝，有爱尔兰石蚝，好肥美大只呀，又鲜甜！之后就法国吉拉多生蚝，稍为瘦过爱尔兰少少，而且海水味好似重啲，都系新鲜好味！美国中码生蚝话就话中码，但都几大只㖞！反而4只南非生蚝就比较参差，同埋味道普通！跟住黎左客加拿大海胆刺身，一向都钟意加拿大嘅海胆，因为好甜好厚肉，果然一客里面𠮶两件海胆刺身，真系好好食，好甜呀！然后又叫左个巴马火腿盘，有三种火腿，包括帕尔马火腿，伊比利火腿同莎乐美肠！三种火腿都咸香十足，肥瘦均匀，愈食愈上瘾！咁少野食梗系唔够喇，加多左个海鲜拼盘，再散叫左日本矶煮鲍鱼同加拿大翡翠螺！呢盘海鲜真系夸张地大同抵食，足足一只龙虾，啖啖肉又新鲜！加上好多蚬同青口，只只有肉又肥！螺肉同虾肉又系好结实，好爽口！相比下，鲍鱼就比较un！最后叫多只芝士黑松露焗大蘑菇，一上枱劲香嘅黑松露味，加埋拉丝芝士，而且大蘑菇烧完都仲好多汁，真系好味到极呀！本身我地未到七点去到，得几枱客，到我地八点几望一望时，几乎全场就爆客，真系唔难理解，因为价钱平民，食物质素又掂，自然多