影片
更多
2024-08-17
1324 浏览
观塘商厦又有大惊喜！蕃薯妹最爱嘅关西风寿喜烧，竟然喺呢度有一间专门店，以平民价可以食晒成个套餐，由前菜刺身到主菜都一丝不苟，$558就可以食到超级丰富嘅寿喜烧套餐！食尽宫崎和牛三个唔同部位！成个套餐份量都好够！大满足😍🥰🐮Sukiyaki寿喜烧套餐 $558/一位❥前菜三点❥茶碗蒸❥宫崎和牛精选部位3款❥自选部位1款❥杂锦天妇罗❥冷荞麦面❥舞茸海鲜清汤❥甜点▫️首先佢哋嘅清茶系冷泡白桃乌龙茶，我觉得清淡得来好重白桃味，好饮。▫️是日前菜三点包括：昆布渍赤虾配鱼子酱、帆立贝刺身配三文鱼子、兵富县室津地区生蚝，呢个前菜真系好有惊喜，全部都好新鲜好鲜甜，特别系个生蚝，海水味适中，蚝味重又肥美。▫️茶碗蒸加咗海胆、蟹膏、蟹肉，啖啖鲜味🤤蒸蛋都好滑溜。▫️戏肉系宫崎和牛，精选3个部位包括肉眼、西冷、沙巴当。 肉眼部位油脂比较丰富，入口即溶；西冷油脂分布平均牛味较重；沙巴当系牛嘅前腿肉部位比较特别，油脂分布亦都系比较平均，牛味比较重，肉质较爽口。 ▫️随寿喜烧奉上日本蛋及珍珠饭，牛肉沾点日本蛋后更加嫩滑。另外亦有蔬菜拼盘，包括豆腐、冬菇、日本大葱、洋葱、芋丝、春菊..等等。蔬菜拼盘佢哋都煮得好好。▫️整个煮寿
观塘商厦又有大惊喜！蕃薯妹最爱嘅关西风寿喜烧，竟然喺呢度有一间专门店，以平民价可以食晒成个套餐，由前菜刺身到主菜都一丝不苟，$558就可以食到超级丰富嘅寿喜烧套餐！食尽宫崎和牛三个唔同部位！成个套餐份量都好够！大满足😍🥰
🐮Sukiyaki寿喜烧套餐 $558/一位
❥前菜三点
❥茶碗蒸
❥宫崎和牛精选部位3款
❥自选部位1款
❥杂锦天妇罗
❥冷荞麦面
❥舞茸海鲜清汤
❥甜点
▫️首先佢哋嘅清茶系冷泡白桃乌龙茶，我觉得清淡得来好重白桃味，好饮。
▫️是日前菜三点包括：昆布渍赤虾配鱼子酱、帆立贝刺身配三文鱼子、兵富县室津地区生蚝，呢个前菜真系好有惊喜，全部都好新鲜好鲜甜，特别系个生蚝，海水味适中，蚝味重又肥美。
▫️茶碗蒸加咗海胆、蟹膏、蟹肉，啖啖鲜味🤤蒸蛋都好滑溜。
▫️戏肉系宫崎和牛，精选3个部位包括肉眼、西冷、沙巴当。 肉眼部位油脂比较丰富，入口即溶；西冷油脂分布平均牛味较重；沙巴当系牛嘅前腿肉部位比较特别，油脂分布亦都系比较平均，牛味比较重，肉质较爽口。
▫️随寿喜烧奉上日本蛋及珍珠饭，牛肉沾点日本蛋后更加嫩滑。另外亦有蔬菜拼盘，包括豆腐、冬菇、日本大葱、洋葱、芋丝、春菊..等等。蔬菜拼盘佢哋都煮得好好。
▫️整个煮寿喜烧嘅过程都系由店员负责，大家可以即席欣赏寿喜烧烹调过程，我好钟意食关西风嘅寿喜烧，首先煎香和牛再落酱汁，牛油味迫晒出嚟超级好食！
▫️食晒3个部位之后，可以自选一个自己钟意嘅部位再食多一次😍😍 我哋都钟意入口即溶嘅口感，再次拣咗肉眼。冇乜边间寿喜烧餐厅可以自选多一次部位，但系唔需要加钱，我觉得呢个可以系整个套餐嘅卖点。
▫️杂锦天妇罗包括炸虾、番薯、鱚鱼、莲藕。 炸得相当酥脆，高质。冷荞麦面一同奉上，冷面汁同时系沾点天妇罗嘅酱汁。
▫️甜品今次有豆腐雪糕或者开心果奶冻，我哋都一齐拣咗豆腐雪糕。豆腐味香浓，雪糕好奶滑。
▫️其实呢个餐我食晒所有牛之后已经饱咗😂所以真系好够食！呢个价钱可以食到嘅和牛份量咁多，而且其他菜式都咁高质，真系超抵食！写完篇文我已经想再去食过😂
💵加一服务费，每位加一后约$613。
张贴
