影片
更多
2018-02-08
1357 浏览
在铜锣湾行咗半日街，差唔多黄昏肚饿了，但又未到食饭时间，揾间小食店，食住啲小食先再等晚餐。见到正宗上海生煎皇，食生煎包和小笼包都好㖞！半开放式厨房，睇到里面上菜真系好快手，啲食物去得快，用料自然都一定新鲜啲。果然上菜上得好快，入座后即刻落单，职员就会印番张单畀你，随即就上菜了。见到枱上面有张纸仔，写住生煎四部曲，系教你食生煎包要先咬咗生煎包上面一啖，啜咗啲汁，然后先至再开怀大吃。天气冻当然点返杯热豆浆饮下啦，12蚊一杯，甜度适中，有豆奶香，最喜欢食上海菜时饮豆浆，觉得系绝配的。生煎包size 不算大，唔惊食滞左食唔落晚餐。上碟时，两个包都系底部朝天，我反转其中一个，见到佢个生煎包系顶部煎香的，而不是平时食开的煎香底部。咬开，弊家伙啦，唔记得咗先咬顶部啜咗啲汁先，搞到啲汁喷射出嚟，弹到对面朋友件衫，搞到真系唔好意思！又流晒d 汁落个碗度。不过咁就证明生煎包里面肉汁超多，而且真系煎到外面脆脆哋，先至会一咬开咁大压力喷射出来。肉馅都几大旧㖞，同埋一啲都唔干，仲好香猪肉味。里面用咗蒜蓉葱花拌肉馅，所以咁香！生煎包的皮，有煎的地方脆，冇煎的地方也仍然松软，口感真系非常好！灌汤小笼包四只，34蚊一
半开放式厨房，睇到里面上菜真系好快手，啲食物去得快，用料自然都一定新鲜啲。
果然上菜上得好快，入座后即刻落单，职员就会印番张单畀你，随即就上菜了。
见到枱上面有张纸仔，写住生煎四部曲，系教你食生煎包要先咬咗生煎包上面一啖，啜咗啲汁，然后先至再开怀大吃。
天气冻当然点返杯热豆浆饮下啦，12蚊一杯，甜度适中，有豆奶香，最喜欢食上海菜时饮豆浆，觉得系绝配的。
生煎包size 不算大，唔惊食滞左食唔落晚餐。上碟时，两个包都系底部朝天，我反转其中一个，见到佢个生煎包系顶部煎香的，而不是平时食开的煎香底部。
咬开，弊家伙啦，唔记得咗先咬顶部啜咗啲汁先，搞到啲汁喷射出嚟，弹到对面朋友件衫，搞到真系唔好意思！又流晒d 汁落个碗度。不过咁就证明生煎包里面肉汁超多，而且真系煎到外面脆脆哋，先至会一咬开咁大压力喷射出来。肉馅都几大旧㖞，同埋一啲都唔干，仲好香猪肉味。里面用咗蒜蓉葱花拌肉馅，所以咁香！生煎包的皮，有煎的地方脆，冇煎的地方也仍然松软，口感真系非常好！
灌汤小笼包四只，34蚊一笼，另外会畀碟姜丝你，自己倒陈醋食。
陈醋同姜丝都系食小笼包必备的，醋好香，唔会太酸，朋友怕酸的都食到。
咬开小笼包，好开心，热辣辣多汤汁，话明系灌汤，冇讲错。里面肉馅都几新鲜，猪肉有弹牙口感，虽然食咗生煎包，但系再食小笼包，都觉得味道唔同，两者绝对可以同时食，因为份量唔算多，食完生煎包都唔觉滞，再食小笼包更加开胃。
蒜泥白肉35蚊一碟，见到啲蒜蓉多到呢，真系不吝啬地铺满晒在猪肉上面，超开心！因为很喜欢吃蒜蓉。
蒜泥白肉都沾满了辣椒油，每片猪肉都是薄切的，令蒜蓉和辣味都比较容易渗透。猪肉不肥，多吃几块也不怕。肉质是结实的新鲜的，味道是超香浓的蒜蓉味，辣味只是微辣，朋友不能吃辣的，觉得也可接受。而且他最欣赏是蒜蓉，又新鲜又香，作为晚餐前的小吃，非常适合！
原来蒜泥白肉下低还有青瓜垫底，青瓜粒也很新鲜，非常清香爽口，拌著蒜蓉和辣椒油一起吃，完全可以消去油腻感觉，而且青瓜是腌过醋的，略带醋酸味，很香，又帮助消化，真的越吃越开胃。
可惜我哋仲要留返个胃嚟食晚饭，唔可以再食咁多嘢啦。但系今次食咗呢几样小食，觉得呢度每样食物都系平凡中带不平凡，绝对值得以平民价，品尝高质素食物，一定再返嚟帮衬。埋单$99,两个人食下午茶都算抵食。
张贴
