桂花小幸 (元朗廣場)

营业中

休息中

元朗听落就好似好远咁样，不过其实各大商场都有唔少嘅好嘢食嘅，今次就去咗食一间平民化嘅台湾嘢，质素同埋价钱都好合理唔错㗎餐厅就喺元朗广场，完全唔难揾，入到入面之后环境都非常光猛，灯光偏向柔和，进餐环境来讲几舒服㗎盐酥鸡排卤肉饭一摆上枱嘅时候即刻觉得好惊喜，盐酥鸡扒件件分明，每一件嘅炸粉唔会好厚，肉质都算鲜嫩，最紧要系热辣辣㗎，唔会摆到冻晒先至上比客人；卤肉饭味道可口，唔会有过多嘅肥肉，食落口唔会觉得油腻感好重，值得一赞。红烧腱心牛肉面不得不赞红烧牛肉汤底好够味呀，汤底偏向浓郁，加埋台湾面之后十分惹味；牛腱心都好厚身㗎，咬落口之后直头系化骨绵掌咁样，唔会有筋，软绵绵嘅质感真系好好食。酥炸甜不辣甜不辣嚟讲唔算太多炸粉，亦都冇一种油腻感好重嘅感觉，食落口都觉得好烟韧。卤水豆腐随套餐加嘅卤水豆腐味道浓郁，卤水味十足。芝士奶盖桂花乌龙茶嘢饮嚟讲呢，我就比较偏向茶饮类走甜嘅，因为走甜先至试得清楚个茶底㗎嘛。餐厅嘅桂花乌龙完全冇令人失望，桂花味浓郁，茶味都够，加埋芝士奶盖之后系双重享受。香浓珍珠奶茶奶茶味足够，茶底尚算浓厚，珍珠烟靭。