影片
更多
2019-09-25
86 浏览
九份饱今日俾公司安排左去砲台山做野，放工同同事去附近揾食，见到有间小店叫:九份饱，主打台湾小食，望见个menu价钱亲民就即管入去试下。店舖唔算大，去到已经几乎坐满晒客，装修简单，店员有d系台湾人。同同事叫左鲁肉饭同担仔面医肚同两杯野饮，再搭几个小食share！鲁肉饭超有台湾风味，鲁肉煮到好入味好淋身，个汁又唔会太咸，食落又唔会觉得油腻！而担仔面就有d失色，面条都有咬口，但汤底就冇乜特别。小食方面叫左去台湾必食的甜不辣，即叫即炸热辣辣，外层松脆，入面好Q弹，再配埋个泰式辣酱，超好食！麻辣猪耳好爽口，不过唔太麻辣。卤水拼盘有卤水蛋、鸡翼、牛展、猪耳同豆腐。相对麻辣猪耳，卤水猪耳更加入味！而卤水蛋同豆腐都系冇得输，不过鸡翼就唔够入味。仲有不得不提的双层起司蛋饼，一定要趁热食，d芝士劲多，可以拉丝！芝士同蛋饼好夹，份量岩岩好，唔会腻！必食推介！！之后到饮品啦，由于天热关系，同事叫左杯清凉一夏，其实唔知系咩，纯粹想消消暑，点知原来系一杯柠檬青柠水！不过饮落真系好消暑解渴既...重点系落单可以自选甜度，所以饮落岩岩好。而我就稳阵派叫左黑糖牛奶珍珠，唔知系咪因为拣左3分甜，所以饮落唔似出面咁重黑糖味
今日俾公司安排左去砲台山做野，放工同同事去附近揾食，见到有间小店叫:九份饱，主打台湾小食，望见个menu价钱亲民就即管入去试下。
店舖唔算大，去到已经几乎坐满晒客，装修简单，店员有d系台湾人。同同事叫左鲁肉饭同担仔面医肚同两杯野饮，再搭几个小食share！
鲁肉饭超有台湾风味，鲁肉煮到好入味好淋身，个汁又唔会太咸，食落又唔会觉得油腻！
而担仔面就有d失色，面条都有咬口，但汤底就冇乜特别。
小食方面叫左去台湾必食的甜不辣，即叫即炸热辣辣，外层松脆，入面好Q弹，再配埋个泰式辣酱，超好食！
麻辣猪耳好爽口，不过唔太麻辣。
卤水拼盘有卤水蛋、鸡翼、牛展、猪耳同豆腐。相对麻辣猪耳，卤水猪耳更加入味！而卤水蛋同豆腐都系冇得输，不过鸡翼就唔够入味。
仲有不得不提的双层起司蛋饼，一定要趁热食，d芝士劲多，可以拉丝！芝士同蛋饼好夹，份量岩岩好，唔会腻！必食推介！！
之后到饮品啦，由于天热关系，同事叫左杯清凉一夏，其实唔知系咩，纯粹想消消暑，点知原来系一杯柠檬青柠水！不过饮落真系好消暑解渴既...重点系落单可以自选甜度，所以饮落岩岩好。
而我就稳阵派叫左黑糖牛奶珍珠，唔知系咪因为拣左3分甜，所以饮落唔似出面咁重黑糖味，而珍珠都唔太Q弹，有d失望。
最后当然要食埋台湾必食的九份芋圆！我地叫左碗常温的，入面有仙草、珍珠、豆腐花同三款口味的芋圆，再配合黑糖的糖水，同台湾食的一模一样！芋圆好Q弹，最欣赏系芋头味的芋圆入面真系食到芋头粒，而黄薯同紫薯就相对食唔到分别。
难得喺香港可以食到平民化的台湾小食，值得推介！
张贴
