丸亀製麵 (已結業)

早排行过乐富见到有间日式乌冬就去试吓，行到入去先知道，原来佢系半自助形式。一开始叫左个冷乌冬，然后店员好快会攞俾你，之后你就可以推住个托盘一路去睇吓有冇乜嘢𩠌岩食。我跟住再加多左一件炸鳕鱼，然后自己系雪柜拎多左罐汽水。之后就去咗收银处埋单，感觉好似返咗去学校饭堂食饭咁样。跟住讲下啲食物系点样架啦，冷乌冬食落口几爽口弹牙，你仲可以加埋葱之类嘅配料，加左之后会仲好食啲添。如果你去好肚饿的话，我会建议你叫一个大嘅份量嘅冷乌冬。因为中份量嘅会好快食晒。另外讲下块鱼，可能因为炸左一段时间嘅关系，食落口好似唔系太新鲜。虽然有射灯照住，但都同新鲜炸起嘅有好大分别。我觉得啲肉质比较坚硬，不过都系可以接受嘅。加埋日本甜酱油，其实都几好食。如果系新鲜煮起的话会更加好。如果下次再来的话，可以用上一次嘅收据当＄5用，但系要注意只系平日先可以用。