岩石牛扒屋 (已結業)

听朋友讲虹桥附近有间新嘅扒房及酒吧，环境舒适，倾计嘅好去处，餐厅分为两部份，一边做扒房，一边做酒吧。去到见到门面都几精致，布局都相当企理。由于入座时间尚早，扒房呢边位置松动。餐厅供应麒麟生啤。餐牌选择多元化……美国谷饲牛柳 200g $148由于块板好热，而且肉汁鲜嫩，比较多肉汁，所以切开时要小心肉汁溅射。切开嘅牛柳颜色鲜红，加上无额外调味料添加，可以睇得出系质量嘅牛，而且份量足。个人认为食用时加些少海盐更能突出牛肉嘅鲜味，齿颊留香！！！差啲唔记得咗介绍前菜，包括忌廉汤及水果沙律。水果沙律：用新鲜苹果捞埋香浓嘅芝麻酱、栗米及生菜，口感清新忌廉汤：上枱已经闻到好香嘅忌廉汤味而且饮落完全唔似用粉开稀嘅汤冻柠茶：茶底是用上Lipton茶底，而非普遍的捷荣茶包冲出。就连牙签筒都相当精致。同场加映，朋友嘅餐－－岩石美国谷饲牛西冷200g $158。总括食材挑选同处理方法，睇得出厨师对食物有要求。