鳥海山鐵板燒 (已搬遷) 新店位置

大虾铁板套餐($648)：味噌汤，汤底煲得够入味，而且最重要系热辣辣，饮起上黎特别好饮，内里有昆布和豆腐。比目鱼，调味和烧烤既时间控制得好好，味道唔会过咸或过淡，肉质好嫩，鱼皮香脆，而且连细小既鱼骨都清走晒，处理得好细心。大虾，厨师可以将虾壳开一个小洞，然后直接取出虾肉而不破坏虾壳原貌，哩下功夫一个字，讲返大虾肉质弹牙，虾既表面烧到金黄色，加上带点脆皮口感，令层次感丰富。安格斯牛肉，从铁板上将一块牛肉切成粒粒状，方便一口一粒，烧至八成熟，牛肉唔会好“老”好难咬，加埋炸蒜片，一腍一脆互双挥影。炒饭，饭粒炒得干身，粒粒分明，放入左我最钟意既虾米仔，令个饭味道更提升。野菜，椰菜用左牛油去炒，每啖都食到浓郁牛油香味，份量都几大碟，食完整个套餐之后其实都有d饱。