喀什米爾咖喱屋

营业中

休息中

今晚要到黄金商场买电脑用品后，顺便到附近食肆食埋晚餐至返家。因今晚有些雨及天气有点潮湿，脑中一闪之下就想食咖喱，咁就去对面街嘅喀什米尔咖喱屋。咖喱屋由印巴藉人士主理，店舖面积很细，大约得＋八个座位，佢哋嘅食餐都系朴实无华，主菜祇系牛、鸡、羊及鱼，冇贵价嘅海鲜及猪等食品，系一间平民化嘅清真咖喱店。今晚我点了 - 咖喱薯仔大豆(Aloo Chana) 连薄饼(Paratha) 套餐 + 芒果酸乳(Mango-Lassi)薄饼 - 一啲都唔油腻，送到枱上仍然非常热辣，咬一口，质地烟奀，用来点咖喱汁来食，正！主菜 - 咖喱薯仔大豆，唔似其他食肆做法咁煮到成蓉，佢哋将薯仔粒及鹰咀豆放落咖喱一齐煮，但仍然保留粒状，令人食落有质感及咬口，我反而喜爱；而佢哋嘅咖喱一啲都无欺客，咖喱随了有蕃茄的甜味，更食到大量的香料，非常浓香。食第一口，有微辣的感觉，你便会给它骗了而掉了轻心，佢嘅咖喱香辣由舌头慢慢加重渗出，最后我都要饮一口芒果酸乳来解辣。芒果酸乳 - 令我有惊喜，不会酸，有啲似芒果奶昔，但有非常香浓的芒果汁味及重奶味，唔会过甜，用来解咖喱的辣味一流。